સતત 5મી વખત છે જ્યારે કેસ 4 લાખથી ઉપર પહોંચ્યા છે. સ્વાસ્થ્ય મંત્રાલયના લેટેસ્ટ આંકડા અનુસાર 24 કલાકમાં દેશમાં મોતનો રેકોર્ડ તૂટ્યો છે.
કોરોનાની બીજી લહેરે વધારી ચિંતા
12 રાજ્યોમાં છે 80 ટકા કેસ
4 લાખથી વધુ નવા કેસ સાથે મૃત્યુઆંક ચોંકાવનારો
કોરોનાની બીજી લહેરે ચિંતા વધારી છે. દેશમાં 5મી વખત 4 લાખથી વધારે નવા કેસ આવી રહ્યા છે. આ સતત 5મી વખત છે જ્યારે કેસ 4 લાખથી ઉપર પહોંચ્યા છે. સ્વાસ્થ્ય મંત્રાલયના લેટેસ્ટ આંકડા અનુસાર 24 કલાકમાં દેશમાં મોતનો રેકોર્ડ તૂટ્યો છે. દેશમાં મોતની સંખ્યા 4133 થઈ છે. આ સમયે 409,300 નવા કેસ સામે આવ્યા છે. તો દેશમાં કુલ સંક્રમિતની સંખ્યા 2,22,95,911 પહોંચી છે તો સાથે કુલ મૃત્યુઆંક 2,42,398 થયો છે.
શું કહે છે સ્વાસ્થ્ય મંત્રાલયના આંકડા
દેશમાં કોરોનાના કુલ 1 લાખતી વધુ લોકો સાજા થઈ રહ્યા છે. સ્વસ્થ થનારા દર્દીઓમાં ઘટાડો થઈ રહ્યો છે પણ મોતની સંખ્યા વધી રહી છે. રિકવરી રેટ 81.90 ટકા રહ્યો છે. આ સાથે એપ્રિલમાં રીકવરી રીટે 93.89 ટકા રહ્યો હતો.
80 ટકા સક્રિય કેસ ફક્ત 12 રાજ્યોમાં
દેશમાં આ સમયે 37.23 લાખથી વધારે સક્રિય કેસ છે જ્યારે તેમાંથી 80.68 ટકા કેસ ફક્ત 12 રાજ્યોમાં છે. મહારાષ્ટ્રમાં સૌથી વધારે 6.28 લાખ, કર્ણાટકમાં 5.48 લાખ, કેરળમાં 4.17 લાખ, યૂપીમાં 2.45 લાખ અને રાજસ્થાનમાં 1.99 લાખ સક્રિય કેસ સામે આવ્યા છે. આ પછી આંધ્રપ્રદેશ, ગુજરાત, તમિલનાડુ, છત્તીસગઢ, પ. બંગાળ અને બિહારનો નંબર આવે છે.
10 રાજ્યોમાં 70 ટકા કેસ
નવા કેસમાંના 70 ટકા કેસ ફક્ત 10 રાજ્યોમાં જોવા મળી રહ્યા છે. સૌથી વધારે મહારાષ્ટ્રમાં 56,578 કેસ, કર્ણાટકમાં 47,563, કેરળમાં 31,971, યૂપીમાં 26,636 નવા કેસ સામે આવ્યા છે. સાથે તમિલનાડુ, દિલ્હી, પ. બંગાળ, રાજસ્થાન, આંધ્રપ્રદેશ, હરિયાણામાં પણ કોરોનાના નવા કેસમાં વધારો થયો છે.
દુનિયામાં 7.25 ટકા મોત ફક્ત ભારતમાં
મે મહિનામાં કોરોનાની બીજી લહેર વિકરાળ બની છે ત્યારે મોતની સંખ્યા પણ થોડા દિવસોથી વધી રહી છે. છેલ્લા 24 કલાકમાં મોતની સંખ્યાએ રેકોર્ડ તોડ્યો છે. જાણો મે મહિનામાં કોરોના કઈ રીતે કહેર વર્તાવી રહ્યો છે અને મોતની સંખ્યામાં કઈ રીતે વધારો થઈ રહ્યો છે.
8 મે 2021: 409,300 નવા કેસ અને 4,133 મોત
7 મે 2021: 401,326 નવા કેસ અને 4,194 મોત
6 મે 2021: 414,433 નવા કેસ અને 3,920 મોત
5 મે 2021: 412,618 નવા કેસ અને 3,982 મોત
4 મે2021: 382,691 નવા કેસ અને 3,786 મોત
3 મે 2021: 355,828 નવા કેસ અને 3,438 મોત
2 મે 2021: 370,059 નવા કેસ અને 3,422 મોત
1 મે 2021: 392,562 નવા કેસ અને 3,688 મોત