IPLIN
 

બેડમિન્ટન / India Open: સ્ટાર શટલર લક્ષ્ય સેને ભેદ્યું મોટું 'લક્ષ્ય', ફાઈનલમાં વર્લ્ડ ચેમ્પિયનને હરાવીને જીત્યો ખિતાબ

Team VTV 08:53 PM, 16 Jan 22 | Updated: 08:56 PM, 16 Jan 22
Follow us
India Open Badminton: Lakshya Sen Defeats Reigning World Champion Loh Kean Yew To Win Men's Singles Title

India Open બેડમિન્ટન ટૂર્નોમેન્ટમાં ભારતના સ્ટાર શટલર લક્ષ્ય સેને વર્લ્ડ ચેમ્પિયનને હાર આપીને પહેલી વાર ઈન્ડીયા ઓપન ખિતાબ જીત્યો છે.

  • રવિવારનો દિવસ ભારતીય બેડમિન્ટન માટે ગોલ્ડન ડે સાબિત થયો
  • ભારતીય યુવા શટલર લક્ષ્ય સેને ફાઈનલમાં વર્લ્ડ ચેમ્પિયન લોહને હરાવ્યો
  • 20 વર્ષ બાદ કોઈ ભારતીય ખેલાડીને આ ખિતાબ હાથ લાગ્યો
  • સાત્વિક-ચિરાગની જોડીએ મેન્સ ડબલ્સ જીતી 

ઈન્ડીયા ઓપન બેડમિન્ટન ટૂર્નોમેન્ટમાં રવિવારનો દિવસ ભારતીય બેડમિન્ટન માટે ગોલ્ડન ડે સાબિત થયો છે. ભારતીય યુવા શટલર લક્ષ્ય સેને મેન્સ ફાઈનલ મેચમાં વર્લ્ડ ચેમ્પિયન લોહ કીન યૂને સીધી ગેમ્સમાં હરાવીને ખિતાબ જીતી લીધો. 20 વર્ષ બાદ કોઈ ભારતીય ખેલાડીને આ ખિતાબ હાથ લાગ્યો છે. 

દિવસની શરુઆતમાં સાત્વિકસાઈરાજ રંકીરેડ્ડી અને ચિરાગ શેટ્ટીની મેન્સ ડબલ્સ જોડીએ ઈન્ડોનેશિયાના 3 વારના વિશ્વ ચેમ્પિયન મોહમ્મદ અહેસાન અને હેંડ્રા સેતિયાવાનની જોડીએ પર સીધી ગેમમાં શાનદાર જીત મેળવીને ઈન્ડીયા ઓપન જીતનારી દેશની પહેલી જોડી બની છે. 

લક્ષ્યે વર્લ્ડ ચેમ્પિયનને હરાવ્યો
સેમિફાઈનલમાં મલેશિયાના એનજી ત્યે યોંગને હરાવનાર લક્ષ્ય સેને ફાઈનલ મુકાબલામાં સિંગાપુરના વર્લ્ડ ચેમ્પિયન લોહ કૂન યૂને 24-22, 21-17થી હરાવીને ઈન્ડીયા ઓપન મેન્સ સિંગલ્સનો ખિતાબ પોતાને નામ કરી લીધો. 

સાત્વિક ચિરાગની જોડીએ 43 મિનિટમાં જીતી ફાઈનલ
સાત્વિક ચિરાગની નંબર વન જોડીએ મેન્સ ડબલ્સ ફાઈનલમાં ઈન્ડોનેશિયાના મોહમ્મદ એહસાન અને હેંડ્રા સેતિવાયવાનને પરાજયનો સ્વાદ ચખાડ્યો. ભારતીય જોડીએ 43 મિનિટના મુકાબલમાં 21-16, 26-24થી માત આપી. 

Lakshya Sen India Open India Open badminton લક્ષ્ય સેન ઈન્ડીયા ઓપન ઈન્ડીયા ઓપન બેડમિન્ટન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ