ગુડ ન્યૂઝ / કોરોના વાયરસ સામે ચીન-જાપાનમાં કારગત નીવડેલી આ દવા ભારતમાં બનવા તૈયાર

• ભારતની કાઉન્સિલ ઑફ સાઇન્ટિફિક એન્ડ ઇન્ડસ્ટ્રીયલ રિર્સચે કોરોનાની દવાને લઇને કર્યો મોટો દાવો
• કોરોના વાયરસ સંક્રમણની વિરુદ્ધ ઉપયોગ કરવામાં આવેલી એન્ટીવાયરલ દવા ફેવીપિરવિર ભારતમાં બનવા માટે તૈયાર
• આ કોવિડ 19 વિરુદ્ધ કારગત જોવા મળી રહી છે એવો CSIRએ કર્યો દાવો 

દેશ-દુનિયામાં કોરોના વાયરસ સંક્રમણથી નિપટવા માટે મોટા પાયા પર વેક્સીન અને દવાની શોધ થઇ રહી છે. મોટાભાગના દેશ એની પર રિસર્ચ કરી રહ્યા છે. આ વચ્ચે ભારતની કાઉન્સિલ ઑફ સાઇન્ટિફિક એન્ડ ઇન્ડસ્ટ્રીયલ રિર્સચે મોટો દાવો કર્યો છે. એ અનુસાર જાપાન અને ચીનમાં કોરોના વાયરસ સંક્રમણની વિરુદ્ધ ઉપયોગ કરવામાં આવેલી એન્ટીવાયરલ દવા ફેવીપિરવિર ભારતમાં બનવા માટે તૈયાર છે. સીએસઆઇઆરે દાવો કર્યો છે કે એનું એન્ડ ટૂ એન્ડ સંકલન કરવામાં આવ્યું છે. આ કોવિડ 19 વિરુદ્ધ કારગત જોવા મળી રહી છે. 

એવો દાવો કરવામાં આવ્યો છે કે ફેવીપિરવિર ઇન્ફ્લૂન્ઝા વાયરસની વિરુદ્ધ ખૂબ જ કારગત પરિણામ આપી ચૂકી છે. ચીન, જાપાન, રશિયા અને ખાડી દેશો ઉપરાંત ઘણા અન્ય દેશોમાં એનો ઉપયોગ કોરોના વાયરસની વિરુદ્ધ કારગર દવાના રૂપમાં કરવાનો દાવો કરવામાં આવ્યો છે. 

મંજૂરી બાદ બજારમાં આવશે દવા 
સીએસઆઇઆરના ડાયરેક્ટર ડૉક્ટર શેખર સી માંડેએ જણાવ્યું કે ફેવીપિરવીલ દવાનો ઉપયોગ અને ટેસ્ટિંગ માટે ખાનગી દવા કંપની અને ડ્રગ કંટ્રોલર જનરલ ઑફ ઇન્ડિયાથી મંજૂરી મળ્યા બાદ જલ્દીથી જલ્દી એને બજારમાં ઉપલબ્ધ કરાવશે. 

સેપ્સવૈકનો પણ શરૂ થશે ટ્રાયલ 
બીજી કારગર દવાઓના સવાલ પર ડૉક્ટરે જણાવ્યું કે અમને ડ્રગ કંટ્રોલર જનરલ ઑફ ઇન્ડિયા તરફથી બીજી એક દવા સેપ્સવૈકના સંબંધમાં મજૂરી મળી છે. અમે એને કેટલાક ગંભીર દર્દીઓ પર જ ટેસ્ટ કરી શકીએ છીએ. સેપ્સિવેક પહેલાથી જ બજારમાં છે. એને બનાવનારી કંપની કેડિલા ફાર્માસ્યૂટિકલે દાવો કર્યો છે કે સેસ્પિસ દર્દીઓમાં આ દવાના ઉપયોગખી મૃત્યુ દરમાં 50 ટકા ઘટાડો આવ્યો છે. 

MWનો પણ થશે ટ્રાયલ 
ડૉ માંડે અનુસાર એમને ડ્રગ કંટ્રોલર જનરલ ઑફ ઇન્ડિયા તરફથી માઇકોબેક્ટેરિયમ ડબ્લ્યૂનું ટેસ્ટિંગની પણ મંજૂરી મળી ગઇ છે. અમે આ દવાને કોવિડ 19 પ્રભાવિત દર્દીઓ પર ટ્રાયલની મંજૂરી મળી ગઇ છે. આશરે 600 ઠીક થઇ ગયેલા દર્દીઓ અને તાજેતરમાં હોસ્પિટલમાં દાખલ થયેલા દર્દીઓ પર ટ્રાયલ થશે.