ગુડ ન્યૂઝ / કોરોના મહામારીમાં વેક્સીનને લઈને આવ્યા સારા સમાચાર, ફેબ્રુઆરીમાં દેશને મળી શકે છે વેક્સીન!

• કોરોના વેક્સીનને લઈને આવ્યા સારા સમાચાર
• દેશમાં ફેબ્રુઆરીમાં આવશે કોરોનાની વેક્સીન
• સરકાર દરેક નાગરિકને ફ્રીમાં આપશે કોરોના વેક્સીન

મળતી માહિતી અનુસાર ભારત સરકાર દ્વારા ફેબ્રુઆરી મહિનામાં વેક્સીન લોકો સુધી પહોંચાડી શકાય તેમ છે. ભારત બાયોટેક, ઈન્ડિયન કાઉન્સિલ ઓફ મેડિકલ રિસર્ચની સાથે મળીને COVAXINને વિકસિત કરી રહી છે. આ પહેલાં તે વર્ષના બીજા ત્રિમાસિકમાં લોન્ચ થાય તેવી શક્યતા હતી. 

COVID-19 ટાસ્ક ફોર્સની સભ્ય અને આઈસીએમઆરની વૈજ્ઞાનિકે ગુરુવારે કહ્યું કે વેક્સીનને સારું રીઝલ્ટ આપ્યું છે. વેક્સીન નવા વર્ષે ફેબ્રુઆરીમાં આવી શકે છે. આ કેસમાં ભારત બાયોટેક તરફથી કોઈ પ્રતિક્રિયા આવી નથી. 

ભારતની આ પહેલી વેક્સીન હશે જેને રોલઆઉટ કરાશે

ફેબ્રુઆરીમાં COVAXIN ને લોન્ચ કરી શકાશે. ભારતની આ પહેલી વેક્સીન હશે જેને રોલઆઉટ કરાશે. ભારતમાં ગુરુવારે કોરોનાના 50201 નવા કેસની સાથે કુલ દર્દીની સંખ્યા 83 લાખ પહોંચી છે.  કોરોના સંક્રમણમાં ભારત અમેરિકા બાદ બીજા ક્રમે છે. આ મહામારીના કારણે અત્યાર સુધીમાં 124315 લોકોના મોત થયા છે. સપ્ટેમ્બર મધ્યથી સંક્રમણ અને મોતમાં દૈનિક વૃદ્ધિ જોવા મળી રહી છે. 
 

અનેક અગ્રણી કંપનીઓના વેક્સીન ટેસ્ટિંગ છેલ્લા ચરણમાં છે. બ્રિટનની એસ્ટ્રાજેનેકા દ્વારા વિકસિત વેક્સીન સૌથી વધુ પ્રભાવશાળી ગણાય છે. બ્રિટનને ડિસેમ્બર અંતમાં કે ફેબ્રુઆરીની શરૂઆતમાં વેક્સીન આવે તેવી શક્યતા છે. એસ્ટ્રાજેનેકાને સીરમ ઈન્સ્ટિટ્યૂટ ઓફ ઈન્ડિયાએ  દુનિયાભરની કંપનીઓ તથા સરકારની સાથે અનેક કરાર પણ કર્યા છે.