નૌસેનાનું નવું નજરાણુ 'DSRV' દરિયામાં ડૂબકી લગાવીને ફસાયેલ સબમરીનનું કરશે રેસક્યુ

નૌસેનાના પ્રમુખ એડમિરલ સુનીલ લાંબાએ બુધવારે સબમર્જનન્સ રેસ્ક્યૂ વ્હીકલ એટલે કે D.S.R.V. રાષ્ટ્ર અને નૌસેનાને સમર્પિત કર્યું. આ રેસ્ક્યૂ વ્હીકલ દરિયામાં મુસીબત સમયે સબમરીનો દુર્ઘટનાગ્રસ્ત થતા ઊંડાણમાં લઈ જશે અને તેમાં ફસાયેલા લોકોને સુરક્ષિત રીતે બચાવી લેવાશે. 

ભારતીય નૌસેનામાં આ D.S.R.V.  સામેલ થતા હવે ભારત અમેરિકા ઈંગલેન્ડ રશિયા ફ્રાંસ અને જર્મની જેવા ખાસ દેશોની શ્રેણીમાં આવી ગયું છે. આ દેશો પાસે પહેલેથી જ પોતાનું D.S.R.V. છે. 

મુંબઈમાં યોજાયેલા સમારોહમાં નૌસેનાના પ્રમુખ એડમિરલ લાંબાએ કહ્યું કે ડીપ સબમર્જેન્સ રેસ્ક્યૂ વ્હીકલને નૌસેનામાં સામેલ કરવામાં આવ્યું છે. જે દેશ માટે ગર્વની વાત છે. આ D.S.R.V.ની સિસ્ટમે ભારતીય નૌસેનાને વિશ્વ નૌસેનાના એક નાના સમૂહમાં પણ સામેલ કરી દીધુ છે જેની પાસે અભિન્ન રેસ્ક્યૂ ક્ષમતા છે. 

D.S.R.V.ને સામેલ કરતા પહેલા એક પરિક્ષણ પણ કરવામાં આવ્યું. તો કેપ્ટન અરૂણ જ્યોર્જે કહ્યું કે પરિક્ષણમાં 60થી વધુ દિવસનો સમય લાગ્યો. જેમાં 32 દિવસ સુધી દરિયામાં રહ્યા. આ વાહનની મદદથી ફસાયેલી સબમરીનનું ચિત્ર જોઈ શકાશે અને તેની વાસ્તવિક સ્થિતિ પર સમીક્ષા પણ કરી શકાશે. 

મળતી માહિતી અનુસાર એકવાર રેસ્ક્યૂમાં 14 લોકોને બચાવી શકાશે. પરિક્ષણ દરમિયાન D.S.R.V. 650 મીટર સુધી નીચે ગયુ જે એક રેકોર્ડ છે. તો આ D.S.R.V.ને એરક્રાફ્ટ દ્વારા દેશ વિદેશમાં ગમે ત્યાં લઈ જઈ શકાશે.