ભારત અને ચીન વચ્ચે છેલ્લા બે મહિનાથી તણાવ સતત વધી રહ્યો છે. ચીન સાથે અથડામણ બાદથી સરહદ પર તણાવ ચરમસીમા પર છે. ત્યાં ભારતની સેના ગમે તે પરિસ્થિતિને પહોંચી વળવા તૈયારી કરી રહી છે, ભારત સરકાર પણ ડ્રેગનને જડબાતોડ જવાબ આપવા તૈયાર છે એવામાં અમેરિકા અને ભારત એક થઇને ચીન સામે થઇ ગયા છે જે બાદ ડ્રેગન તરફડીયા મારી રહ્યું છે.
અમેરિકાની જાહેરાત બાદ ચીનની પ્રતિક્રિયા
ભારતની ગભરાયેલા ચીને હવે સમાધાનની વાતો શરુ કરી
ભારત અમેરિકાનો સાથે ન લે તે માટે તાઈવાનનું ઉદાહરણ આપ્યું
અમેરિકા પોતાની સેના યુરોપમાંથી ઘટાડીને એશિયામાં મૂકવા જઈ રહ્યું છે, અમેરિકાનાં વિદેશમંત્રીએ કહ્યું કે ભારત ને દક્ષિણ પૂર્વ એશિયામાં ચીનનાં વધતાં ખાત્રબે જોતા અમેરિકા યુરોપમાં પોતાની સેનાને ઘટાડીને એશિયામાં તૈનાત કરશે. આ સાંભળીને ડ્રેગનનાં પગ નીચેની જમીન ખસી ગઈ છે રઘવાયા ચીને અખબારનાં માધ્યમથી પ્રતિક્રિયા આપી છે.
ચીનના સરકારી અખબાર ગ્લોબલ ટાઈમ્સમાં લખવામાં આવ્યું છે કે ભારતે કોલ્ડવોરમાં પોતાનું પક્ષ પસંદ કરી લીધું છે. એક સમય એવો હતો જ્યારે સરહદ પર તણાવ ખૂબ મોટો ખતરો હતો ત્યારે પણ ભારતે કોઈ જૂથ સાથે જવાનું ટાળ્યું હતું એવામાં હાલની પરિસ્થિતિને જોતા ભારત કોઈ જૂથ સાથે જવા પર મજબૂર થશે તે વિચારવું ખોટું છે. ચીન સરહદ સંઘર્ષને યુદ્ધ સુધી લઇ જવા માંગતું નથી.
ભારતની સાથે આવેલા અમેરિકા વિશે ચીને કહ્યું કે અમેરિકા હંમેશા પોતાના હિતોને સિદ્ધ કરવા માટે અન્ય દેશોને સંપ્રભુતા મેળવી લે છે. તાઇવાન જેવા દેશોની વાત કરવી જ બેકાર છે કારણ કે તેના બધા જ અધિકારો અમેરિકા પાસે છે અને અમેરિકા કહે તેમ નાચવું પડે છે. ભારતની આ વિશેષતા છે કે તે પોતાની કૂટનીતિક સ્વતંત્રતા રાખે છે.
ચીને ભારતને ઇશારામાં ચેતવણી આપતા કહ્યું કે અમેરિકામાં ભારતને પોતાના પ્યાદા તરીકે વાપરવા માંગે છે જેથી ચીનને રોકી શકાય અને બીજી તરફ ભારત અમેરિકાનો સાથ લઈને ચીન અને પાકિસ્તાનને રોકવા માંગે છે.
ભારતનાં વીર સૈનિકોને શૂરવીરતા જોઈને ગભરાઈ ગયેલું ચીન હવે સમાધાનની મીઠી મીઠી વાતો કરી રહ્યું છે. ચીને કહ્યું કે સરહદ પર સંઘર્ષમાં ભારત ભલે ગમે તે નિર્ણય લે, ચીનનો એક જ પક્ષ છે કે વિવાદોનું સમાધાન ફક્ત વાતચીતના માધ્યમથી જ થઇ શકે છે અને એમાં બહારની કોઈ તાકાતની જરૂર નથી.