ભારત અને ચીન વચ્ચે ચાલી રહેલા વિવાદ વચ્ચે ભારતે ચીનની એપ્સ પર પ્રતિબંધ મૂક્યા બાદ હવે ફરીથી આ બધી જ કંપનીઓને ચેતવણી આપી છે. કંપનીઓને કહેવામાં આવ્યું છે કે એપ પર પ્રતિબંધનો કડકપણે પાલન થવું જોઈએ અને જો આદેશનું ઉલ્લંઘન કરવામાં આવશે તો કંપનીઓ કાયદા અનુસાર કડકપણે કાર્યવાહી કરવામાં આવશે. નોંધનીય છે કે ભારતે લદાખમાં અથડામણ બાદ ટિકટોક સહિતની 59 એપ પર પ્રતિબંધ લગાવ્યો હતો.
ભારત ચીન વિવાદ બાદ એપ પર મૂક્યો હતો પ્રતિબંધ
ફરીવાર કંપનીઓને આપવામાં આવી ચેતવણી
આદેશનું પાલન નહીં થાય તો કડક કાર્યવાહીની ચેતવણી
સરકારે 59 ચાઈનિઝ એપ પર પ્રતિબંધ બાદ આ એપ્સને મંગળવારે આ એપ્સને આદેશનું કડકપણે પાલન કરવા માટે આદેશ કર્યો છે અને કહ્યું કે ઉલ્લંઘન કરવા પર કડકમાં કડક કાર્યવાહી કરવામાં આવી છે. મીડિયા અહેવાલો અનુસાર Cyber Laws and E-Securityના ગ્રુપ કૉ-ઓર્ડીનેટર રાકેશ માહેશ્વરીએ ઈમેલ માધ્યમથી સરકારના આદેશનું કોઈ પણ પ્રકારે ઉલ્લંઘન કરવા પર કડક કાર્યવાહીની ચેતવણી આપી છે.
નોંધનીય છે કે લદ્દાખમાં ચીન સાથે અથડામણ બાદ ભારત સરકારે દેશની સુરક્ષાને ધ્યાનમાં રાખીને ચીનની ઘણી બધી એપ પર પ્રતિબંધ લગાવી દીધો હતો. 29 જૂનના રોજ ટિકટોક, યુસીબ્રાઉઝર અને કેમસ્કેનર સહિતની 59 એપ પર પર સંપૂર્ણ પ્રતિબંધ મૂકવામાં આવ્યો હતો.
આઈટી મંત્રાલય દ્વારા ફરી વાર આ બધી જ એપને સૂચના આપવામાં આવી છે કે પ્રત્યક્ષ અથવા પરોક્ષરૂપે એપ ઉપલબ્ધ કરાવવી અને તેનું સંચાલન કરવું માત્ર ગેરકાયદેસર જ નહીં પરંતુ એક ગુનો છે અને અન્ય કાયદાઓ હેઠળ કડક કાર્યવાહી કરી શકાય છે. આ બધી જ કંપનીઓને મંત્રાલય દ્વારા આદેશોનું પાલન કરવા સૂચના આપવામાં આવી છે.
કંપનીઓને આપવામાં આવેલ સૂચનામાં કહેવામાં આવ્યું છે કે આ બધી એપ પર પ્રતિબંધ ધારા 69A હેઠળ લગાવવામાં આવ્યો છે અને સંબંધિત કંપનીઓએ તેનું કડકપણે પાલન કરવાનું રહેશે. સરકારે જે એપ્સ પર પ્રતિબંધ લગાવ્યો છે તેમાં WeChat, Bigo Live, હેલો, લાઈક, કેમસ્કેનર, વિગો વીડિયો , ટિકટોકનો સમાવેશ થાય છે.