ભાવ વધારો / કોરોના અને નવા વેરિએન્ટની દહેશત વચ્ચે CNG વાહન ચાલકો માઠા સમાચાર, અદાણી ગેસમાં ફરી ભાવ વધારો

• અદાણી ગેસે CNGના ભાવમાં કર્યો વધારો
• CNG વાહન ચાલકોની મુશ્કેલીઓ વધી 
• અદાણી ગેસે CNGના ભાવમાં કર્યો વધારો 

હાલ રાજ્યમાં કોરોના સંક્રમણ કાબૂમાં છે પરતું કોરોનાના નવા વેરિએન્ટે દેશ અને દુનિયામાં દહેશત મચાવી છે, કોરોનામાં દહેશત વચ્ચે રાજ્યમાં CNG વાહન ચાલકો માટે માઠા સમાચાર આવ્યા છે.  કેમ કે અદાણી ગેસે ફરી CNG ભાવમાં વધારો કર્યો છે. અદાણી CNGમાં પ્રતિ કિલોએ 75 પૈસાનો વધારો થતા હવે નવો ભાવ પ્રતિ કિલોએ 65.74 રૂપિયા થયો છે.  

CNG વાહન ચાલકોની મુશ્કેલીઓમાં વધી 

મહત્વનું છે કે રિક્ષા ચાલકો પહેલાથી જ ભાવ વધારાનો વિરોધ કરી રહ્યા છે અગાઉ ગેસમાં ભાવ વધારાના સામે રિક્ષા ચાલકોએ હડતાળનું શસ્ત્ર પણ ઉગામ્યું હતું ત્યારે ફરી અદાણી ગેસમાં ભાવ વધારો કરાતા વાહન ચાલકો મુંઝવણમાં મુકાયા છે. કોરોના કાળને લીધે પહેલાથી નાગરિકો પર મોંઘવારીનો માર સહન કરવો પડી રહ્યો છે ત્યારે ફરી હવે રાજ્યમાં કોરોનાના નવા વેરિએન્ટનો ખતરો તોડાઈ રહ્યો છે, જેણે કોરોનાની ત્રીજી લહેરની શક્યાતાઓ  વધારી દીધી છે. ત્યારે રિક્ષા ચાલકોના વિરોધ વચ્ચે CNGના ભાવમાં ફરી એકવાર વધારો કરવામાં આવતા વાહન ચાલકો મુશ્કેલીમાં મુકાયા છે.