ગાંધીનગરઃ રાજ્યભરમાં મોંઘવારી દિવસે દિવસે વધી રહી છે. ત્યારે હવે રિક્ષાના લઘુત્તમ ભાડામાં વધારો કરવામાં આવ્યો છે. રાજ્ય સરકારે રીક્ષાના લઘુત્તમ ભાડામાં વધારો કર્યો છે. સરકારે રિક્ષાના લઘુત્તમ ભાડામાં 3 રૂપિયાનો વધારો કર્યો છે.
ત્યારે હવે રિક્ષામાં લઘુતમ ભાડુ 12 રૂપિયાના બદલે 15 રૂપિયા ચૂકવવા પડશે. રિક્ષામાં પ્રતિ કિલોમીટરનુ ભાડુ 8 રૂપિયાથી વધારીને 10 રૂપિયા કરવામાં આવ્યુ છે.
ઉલ્લેખનીય છે કે રિક્ષાના લઘુત્તમ ભાડામાં વધારા માટે રીક્ષા સંચાલક યુનિયન દ્વારા માગ કરાઇ રહી હતી. ત્યારબાદ યુનિયન ટ્રાન્સપોર્ટ કમિશ્નરને આ બાબતે રજૂઆત કરવામાં આવી હતી.
તેમણે એવી રજૂઆત કરી હતી કે છેલ્લા ત્રણ-ચાર વર્ષોથી રીક્ષા ભાડામાં વધારો કરાયો નથી જેને લઇ હાલની સ્થિતિને ધ્યાનમાં રાખીને વધારો કરવો જરૂરી છે. ત્યારે રાજ્ય સરકાર દ્વારા રીક્ષાના લઘુત્તમ ભાડામાં વધારો કરાયો છે.