મોબાઈલ ફોન ખરીદવો હવે મોંઘો થઈ જશે. કેન્દ્ર સરકારે તેના પર જીએસટી વધારી દીધો છે. જીએસટીમાં માટે મળેલી બેઠકમાં મોબાઈલ ફોન પર જીએસટીમાં 12 ટકાથી વધારીને 18 ટકા કરી દીધો છે. નાણામંત્રી નિર્મલા સીતારમણે જાણકારી આપી છે.
GST કાઉન્સિલની 39મી બેઠકમાં કરાયા મહત્વના નિર્ણય
નવા મોબાઇલ ફોન ખરીદવા પડશે મોંઘા
મોબાઇલ ફોન પર 6 ટકા GSTનો વધારો કરાયો
જેમાં મોબાઈલ ફોન અને તેના સંબંધિત ખાસ ઉપકરણોમાં જીએસટી 12 ટકાથી વધારીને 18 ટકા કર્યો છે. તો બીજી તરફ એરક્રાફ્ટના મેઇન્ટેનન્સ અને એમઆરઓ સર્વિસ પર જીએસટીના દરો પર ઘટાડો નોંધાયો છે. પહેલાં આ 18 ટકાના સ્લેબમાં આવતા હતા. જે ઘટીને હવે 5 ટકાના સ્લેબમાં આવી ગયા છે.
જીએસટી કાઉન્સિલનો મોટો નિર્ણય
Finance Minister Nirmala Sitharaman: It was decided to raise the GST rate on mobile phones and specific parts, presently attracting 12% GST, to be taxed at 18%. pic.twitter.com/RnSoRN9sKl
જીએસટી કાઉન્સિલનો આ નિર્ણય એમઆરઓ સર્વિસને વધારવાના ભાગરૂપે લેવાયો છે. જીએસટી કાઉન્સિલની બેઠક બાદ પ્રેસ કોન્ફરન્સમાં નિર્મલા સીતારમને જણાવ્યું હતું કે, માચિસ પર હવે 12 ટકા જીએસટી લાગુ થશે. પહેલાં હાથ બનાવટની દિવાસળી પર 5 ટકા અને અન્ય પર 18 ટકા જીએસટીના દરો હતા.
કોરોનાના કારણે ચીની ઉદ્યોગ ઠપ્પ થયાં
કેન્દ્ર સરકારનો આ નિર્ણય મોબાઇલ કંપનીઓ પર ભારે પડી શકે છે. આ ઇન્ડસ્ટ્રી પહેલા જ ચીન સહિત દુનિયાભરમાં ફેલાયેલા કોરોના વાયરસનો પડકારનો સામનો કરી રહ્યા છે. કોરોનાના કારણે ચીની કંપનીઓનું કામકાજ ઠપ્પ પડ્યું છે.
GSTના નવા નિર્ણય
નાણામંત્રીએ કહ્યું કે, હાથ અને મશીનથી બનેલી માચિસ પર 12 ટકા GST લગાવવામાં આવશે. આ સિવાય વિમાનનો નિભાવ, રિપેરીંગ વગેરે પર 18 ટકાથી ઘટાડીને જીએસટી દર 5 ટકા કરવામાં આવ્યો છે.