તમારા કામનું / 1 એપ્રિલથી નવા નિયમ લાગુ! ઈનકમ ટેક્સને લઈને થવા જઈ રહ્યા છે 10 મોટા ફેરફાર, જેની તમારા પર થશે સીધી અસર

• ઈનકમ ટેક્સને લઈને થઈ રહ્યા છે 10 મોટો ફેરફર 
• જેની તમારા પર થશે સીધી અસર 
• 1 એપ્રિલથી લાગુ થવા જઈ રહ્યા છે નવા નિયમો 

નવા નાણાકીય વર્ષ 2023-24 શરૂ થવામાં ફક્ત એક જ દિવસ બાકી છે. નણાકીય વર્ષ શરૂ થતાની સાથે જ એટલે કે 1 એપ્રિલથી ઈનકમ ટેક્સના ઘણા નિયમોમાં ફેરફાર થશે. ટેક્સપેયર્સ હોવાના કારણે ફેરફારની જાણકારી તમારા માટે ખૂબ જ જરૂરી છે. 

જો તમને હજુ સુધી ફેરફાર વિશે જાણકારી નથી તો અમે તમને જણાવી દઈએ કે કયા કયા એવા નિયમ છે જેમાં ફેરફાર થવા જઈ રહ્યો છે. જણાવી દઈએ કે નવા ટેક્સ સ્લેબને લઈને ટેક્સ લિમિટ વધવા સુધી અને ડેટ મ્યુચ્યુઅલ ફંડ પર કોઈ એલટીસીજી ટેક્સ બેનેફિટ્સ જેવા ઘણા પ્રમુખ ફેરફાર 1 એપ્રિલથી થઈ રહ્યા છે. 

બજેટમાં થઈ હતી જાહેરાત 
કેન્દ્રીય નાણામંત્રી નિર્મલા સીતારમણ દ્વારા 1 ફેબ્રુઆરીએ વાર્ષિક બજેટમાં જાહેરાત કરી હતી જે નાણાકીય વર્ષ 2023 શરૂ થતા જ લાગુ થઈ જશે. આ ફેરફાર આવકવેરા નિયમો માટે છે. 

જે ઈનકમ ટેક્સપેયર્સ પર સૌથી વધારે અસર કરે છે. અમે તમને એવા જ 10 ફેરફાર વિશે જણાવવા જઈ રહ્યા છીએ. તમારી ટેક્સ પ્લાનિંગ માટે આ ફેરફારને જાણવું જરૂરી છે. 

ડિફોલ્ટ ટેક્સ રીઝીમ 
જો કોઈ વ્યક્તિ એ નથી જણાવતું કે તે કઈ વ્યવસ્થા હેઠળ પોતાનું રિટર્ન જમા કરશે તો નવા ટેક્સ રીઝીમ ડિફોલ્ટ થશે. 

ટેક્સ છૂટની લિમિટ વધી 
નવી ટેક્સ વ્યવસ્થાના હેઠળ સરકાર બજેટ 2023માં 7 લાખ રૂપિયા સુધીની આવક પર ટેક્સ છૂટ મેળવી શકે છે. જો જુની વ્યવસ્થાથી ટેક્સ ભરવાનો વિકલ્પ પસંદ કરવામાં આવે છે તો આ છૂટ નહીં મળે. 

ટેક્સ સ્લેબમાં ફેરફાર 
નવી ટેક્સ વ્યવસ્થા હેઠળ ટેક્સ સ્લેબ 0થી 3 લાખ પર શૂન્ય, 3-6 લાખ પર 5 ટકા, 6છી 9 લાખ રૂપિયા પર 10 ટકા, 9થી 12 લાખ પર 15 ટકા અને 15 લાખથી ઉપરા પર 30 ટકા છે. 

સ્ટાન્ડર્ડ ડિડક્શન 
જુની વ્યવસ્થા અનુસાર 50 હજાર સુધી છૂટ આપવામાં આવે છે. જેને નવી વ્યવસ્થામાં પણ વધારી દીધી છે.

લીવ ઈનકેશમેન્ટ 
1 એપ્રિલ, 2023થી 25 લાખ સુધીનું લીવ ઈનકેશમેન્ટ અમાઉન્ટ ટેક્સ ફ્રી થઈ જશે. પહલા આ રકમ 3 લાખ રૂપિયા હતી. 

ઈલેક્ટ્રોનિક ગોલ્ડ કન્વર્જન ટેક્સ ફ્રી 
1 એપ્રિલથી ફિઝિકલ સોનાને ઈલેક્ટ્રોનિક ગોલ્ડ રિસીટમાં બદલવા કે પછી EGRને ફિઝિકલ ગોલ્ડમાં ફેરફાર  પર કોઈ કેપિટલ ગેંસ ટેક્સ નહીં આપવાના રહે. 

માર્કેટ લિંક્ડ ડિબેંચર 
માર્કેટ લિંક્ડ ડિબેંચરમાં રોકાણ શોર્ટ ટર્મ કેપિટલ સંપત્તિ થશે. 

જીવન વીમા પોલિસી 
5 લાખ રૂપિયાના વાર્ષિક પ્રીમિયમથી વધારે જીવની વીમા પ્રીમિયમથી આવક ટેક્સના હેઠળ આવશે. 

વરિષ્ઠ નાગરીકો માટે લાભ 
વરિષ્ઠ નાગરીક બચત યોજના હેઠળ વધારે જમા રકમની મર્યાદા 15 લાખથી વધીને 30 લાખ કરી દેવામાં આવી છે. 

ડેટ મ્યુચ્યુઅલ ફંડ પર ટેક્સ 
1 એપ્રિલથી ડેટ મ્યુચ્યુઅલ ફંડ પર એલટીસીજી ટેક્સ બેનેફિટ્સ નહીં આપવામાં આવે.