BIG NEWS / વડોદરામાં સિદ્ધેશ્વર ગ્રુપ પર ઈન્કમટેક્સ વિભાગની રેડ, સવારે ચીરિપાલ ગ્રુપ પર કસ્યો હતો ફંદો

• વડોદરામાં સિદ્ધેશ્વર ગ્રુપ પર આવકવેરા વિભાગનું સર્ચ ઓપરેશન
• આવકવેરા વિભાગના અધિકારીઓએ હાથ ધરી તપાસ 

ગુજરાતનું બિલ્ડર ગ્રુપ હાલ ITની રડારમાં છે. સવારે  ચીરિપાલ ગ્રુપ પર ઈન્કમટેક્સ વિભાગે દરોડા કરી કાર્યવાહી હાથ ધરી હતી. તો બીજી તરફ વડોદરામાં સિદ્ધેશ્વર ગ્રુપ પર આવકવેરા વિભાગનું સર્ચ ઓપરેશન ચાલુ છે. સિદ્ધેશ્વર ગ્રુપ બાંધકામ ક્ષેત્રે મોટું નામ ધરાવે છે. ટેક્સમાં ધાંધલીના શક હેઠળ સિદ્ધેશ્વર ગ્રુપને  IT વિભાગે ખંગોળવાનું શરૂ કર્યું છે. વડોદરાના હરણી,આજવા રોડ,સમા સાવલી અનેગોત્રી વિસ્તારમાં હાલ આ ગ્રુપની સાઇટો ધમધમી રહી છે. આવકવેરા વિભાગના અધિકારીઓ તમામ સ્થળે તપાસ આદરી છે.

સવારથી ચીરિપાલ ગ્રુપ પર ઇન્કમટેક્સની રેડ
અમદાવાદમાં ઇન્કમટેક્સ વિભાગે મેગા ઓપરેશન હાથ ધર્યું છે. શહેરમાં ચીરિપાલ ગ્રુપ પર ઇન્કમટેક્સ વિભાગે સપાટો બોલાવ્યો છે. ટેક્ષટાઇલ અને શિક્ષણ સાથેના વ્યવસાયમાં સાથે ચિરીપાલ ગ્રુપ સંકળાયેલું છે. જેના ભાગીદાર વેદપ્રકાશ ચિરીપાલ, બ્રિજમોહન ચિરીપાલ પર પણ ગાળિયો કસાયો છે. શહેરના બોપલ રોડ પર ચિરીપાલ ગ્રુપની મુખ્ય ઓફિસ આવેલી છે. શિવરંજની પાસે આવેલા ચિરીપાલ હાઉસ પર પણ ITના અધિકારીઓ તપાસ કરી રહ્યા છે. અમદાવાદમાં કુલ 35થી 40 જગ્યાઓ પર , 150 અધિકારીઓ દરોડાની કામગીરીમાં જોડાયા છે.

નંદન ડેનિમ અને વિશાલ ડેનિમ પર પણ IT વિભાગની તવાઇ
આ સાથે નંદન ડેનિમ અને વિશાલ ડેનિમ પર પણ આઇટી વિભાગે તવાઇ બોલાવી છે. એટલે કે સુરત અને અમદાવાદ એમ બંને શહેરોમાં આવેલી વિવિધ ઓફિસો પર IT વિભાગે દરોડા પાડ્યા છે.