ઘટના / સેલ્ફીનું વળગણ બે યુવકોને ભારે પડ્યું: સાબરમતીમાં ડૂબી જતા મોત, એકને બચાવવા જતા બીજો પણ ડૂબ્યો

• સેલ્ફીની ઘેલછાએ ગુમાવ્યો જીવ
• સેલ્ફી લેવા જતા બે યુવક ડૂબ્યા
• વિજાપુરના આગલોડમાં બની ઘટના 

 
રાજ્યમાં ઉનાળામાં નદીમાં કે તળાવમાં ડૂબવાની ઘટના વધુ સામે આવતી હોય છે જેમાં ક્યાંક નાહવા પડતા ડૂબવાના કારણો સામે આવે છે તો ક્યાંક સેલ્ફીના ચક્કરમાં જીવ જવાની વાત સામે આવતી હોય છે ત્યારે વધુ એક મહેસાણાના વિજાપુરમાં ગોઝારી ઘટના ઘટી છે. વિજાપુરના આગલોડ ગામે સેલ્ફીની ઘેલછામાં બે યુવાનોના જીવ નદીમાં ડૂબવાથી ગયા છે. 

યુવકને બચાવવા જતા અન્ય એક યુવક ડૂબ્યો
વિજાપુરના આગલોડ ગામમાં સેલ્ફી લેવા જતા બે યુવક સાબરમતી નદીમાં ડૂબ્યાની ઘટના સામે આવી છે. વિગતો મુજબ અમદાવાદથી ચાંદલાવિધિના પ્રસંગમાં આવેલા બે યુવક નદીમાં ડૂબ્યા છે જે બન્ને યુવકના નદીમાં ડૂબી જવાથી મોત થયા છે. બન્ને યુવક ગામની સાબરમતી નદીમાં સેલ્ફી લેવા માટે ઉતર્યા હતા ત્યારે સેલ્ફી લેવા જતાં એક યુવકનો પગ લપસતા નદીમાં ડૂબ્યો હતો ત્યારે ડૂબતા યુવાનને બચાવવા જતાં બીજો યુવક પણ નદીમાં ડૂબ્યો હતો. જે બંન્નેમાંથી એકપણને તરતા ન આવડતું હોવાથી બંન્નેના ડૂબવાથી મોત થયા છે.

પરિવારમાં આક્રંદ
વિજાપુરના આગલોડમાં બનેલી ઘટનાથી સમગ્ર પંથકમાં અરરાટી વ્યાપી જવા પામી હતી તેમજ પરિવારમાં આક્રંદનો માહોલ છવાઈ ગયો છે. બે પરિવારમાં શોકનું મોજુ ફરી વળ્યું છે. પરિવારજનો ઘેરા શોકમાં ગરકાવ થયો છે