સુરત / ચૂંટાતાની સાથે જ AAPના કોર્પોરેટર કામે વળગ્યાં, પહેલાં જ દિવસે જુઓ કેવો સપાટો બોલાવ્યો

• શેઠની શિખામણ છેક સુધી...
• સલાહનું શબ્દશ: પાલન
• આજથી જ લાગી ગયા જનસેવામાં

ગુજરાત સુરતમાં આમ આદમી પાર્ટીના 27 કોર્પોરેટર ચૂંટાયા બાદ અરવિંદ કેજરીવાલ પણ ગુજરાત આવી ચૂક્યા છે. કેજરીવાલે પોતાના કોર્પોરેટર્સને સલાહ સૂચન પણ કરીને ગયા છે. ત્યારે કેજરીવાલની સલાહોનું સુરત કોર્પોરેટર્સે આજથી જ પાલન કરી દીધું હોય તેવું લાગી રહ્યું છે. આપના કોર્પોરેટર્સની કામગીરીનો એક તાજો વીડિયો સામે આવ્યો છે. વોર્ડ નં 4ના કોર્પોરેટર ધર્મેન્દ્ર વાવલિયા ચૂંટાયાના બીજા જ દિવસથી જનતાના કામે લાગી જાય છે. 

સોશિયલ મીડિયામાં વાઈરલ થઈ રહ્યો છે VIDEO

એક વીડિયો સોશિયલ મીડિયામાં વાયરલ થયો છે. જેમાં વોર્ડ-4ના કોર્પોરેટર સફાઈ માટે ફોન લગાવવાનું પણ ચાલુ કરી દીધુ છે. આપના કોર્પોરેટર ધર્મેન્દ્ર વાવવિયાએ માત્ર કચરાગાડીના ડ્રાઈવરને જ નહીં પરંતુ કોન્ટ્રાક્ટરને પણ ફોન કરીને નિયમો યાદ અપાવ્યા. આમ આદમી પાર્ટીનું નિશાન ઝાડુ છે. તો સેવાની શરૂઆત પણ કચરા ગાડીથી થાય તે સ્વભાવિક છે.