ગોળા ગામ નજીક યુવકની કારને મિત્રએજ પોતાની ગાડીથી દસ ટક્કર મારી તેને જાનથી મારી નાખવાની કોશિશ કરી હતી.
યુવકની કારને ટક્કર મારી મિત્ર ફરાર
યુવકે પાલનપુર પોલીસ સ્ટેશનમાં ફરિયાદ
રૂપિયા પરત ન આપવા પડે તે માટે હત્યાનો પ્રયાસ
પાલનપુરના ગોળા નજીક યુવકને કારથી ટક્કર મારી
સાબરકાંઠાના વડાલીના હાથરવા ગામના યુવકે વડગામના ધોરી ગામે મિત્રને વચ્ચે રાખી 7 વર્ષ અગાઉ જમીનનો સોદો કરીને નાણાની ચૂકવણી કરી હતી. જોકે, ધોરી ગામમાં રહેતાં મિત્રએ જમીન પોતાના નામે કરી દીધી હતી. જે જમીન પોતાના નામે કરી આપવાનું કહેતા ઉશ્કેરાયેલા મિત્રએ નાણાં પરત આપવા ન પડે તે માટે પાલનપુર હાઇવે ઉપર ગોળા ગામ નજીક પોતાની કારથી યુવકની કારને ટક્કર મારી પલટી ખવડાવી યુવકને જાનથી મારી નાંખવાની કોશિષ કરી હતી.
મિત્રએ જમીન પોતાના નામે કરી નાણા ચાઉં કરી લીધાનો આરોપ
આ ઘટનાામાં યુવક અને તેની સાથે રહેલા વ્યકિતને ઇજાઓ થતાં સારવાર અર્થે ખસેડવામાં આવ્યા હતા. આ અંગે પાલનપુર તાલુકા પોલીસ મથકે ફરિયાદ નોધાવતાં પોલીસે ગૂનો નોંધી તપાસ હાથ ધરી હતી.આ અંગે પોલીસ સુત્રોના જણાવ્યા અનુસાર, કલ્પેશકુમારે જમીનની સોદો કર્યા પછી શ્રવણસિંહે એવું કહ્યુ હતુ કે, જમીન આપનાર વ્યકિત માત્ર ધોરી ગામના વતનીને જ જમીન આપવા માંગે છે. બહારના વ્યકિતને જમીન વેચવા માંગતા નથી. આથી આ જમીન મારા નામે કરાવું છુ. પછી તમારા નામે કરાવીશ દહિશ. તેમ કહી રૂપિયા નાણા લઇ જમીન પોતાના નામે કરાવી દીધી હતી. જોકે, કલ્પેશકુમારે તે પછી જમીન પોતાના નામે કરવાનું કહેતા મિત્ર શ્રવણસિંહનું પોત પ્રકાશ્યું હતુ.