અરેરાટી / વડોદરામાં ધોરણ 9ની કિશોરી સાથે મુંબઈના વિધર્મી યુવકે આચર્યું દુષ્કર્મ, ST બસમાંથી LCBએ કરી ધરપકડ

• સાવલીની સગીરા પર દુષ્કર્મ 
• વિધર્મી યુવક ભાગતા ઝડપાયો 
• આરોપી મુંબઈનો રહેવાસી 

વડોદરાના વેક્સીન ગ્રાઉન્ડમાં નવસારીની યુવતી પર આચરાયેલા દુષ્કર્મની ઘટનાના આરોપીને ઝડપવા પોલીસ આકાશ-પાતાળ એક કરી રહી છે.છતાં એક મહીનાથી આરોપીઓ પકડની બહાર છે.ત્યાં જ સાવલીમાં સગીરા પર વિધર્મી યુવક દ્વારા દુષ્કર્મનો કેસ સામે આવ્યો હતો. પોલીસે,આરોપી વિધર્મી યુવક તોહિદ ઉર્ફે કાસિમ શેખની ધરપકડ કરી હતી.

મુંબઈનો વિધર્મી યુવક વડોદરા કેમ આવ્યો ? 

વડોદરાના સાવલીમાં રહેતી અને નવમા ધોરણમાં અભ્યાસ કરતી સગીરાને મુંબઈના અંધેરી ઈસ્ટ સાગર સીટીમાં રહેતા તોહિદ ઉર્ફે કાસિમ શેખ વડોદરાના કમાટીબાગમાં રાત્રીના સમયે લઇ આવ્યો હતો. જ્યાં આ સગીરા પર દુષ્કર્મ આચર્યું હતું. ઘટનાની જાણ થતા જ પોલીસે આરોપીને ઝડપવાના ચક્રો ગતિમાન કરી દીધા હતા. આરોપી કાસિમ શેખ કરજણ ટોલનાકા પાસે ST બસમાંથી લોકલ ક્રાઈમ બ્રાન્ચના હાથે ઝડપાઈ ગયો હતો. હવે પોલીસ પૂછ પરછમાં ખ્યાલ આવશે કે યુવક મુંબઈમાં રહેતો હોઈ તો ગુજરાતમાં ક્યાં આવ્યો હતો. ક્યાં રહેતો હતો અને શું કરતો હતો. ઉપરાંત સગીરાના પરિચયમાં કેવી રીતે આવ્યો હતો. આ સઘળી તપાસ પોલીસ કરી રહી છે.