ના હોય! / હાઈલા! માછલી પકડવા ગયો શખ્સ, જાળમાં ફસાઈ એવી વસ્તુ કે લોકોએ બોલ્યાં, આને કે'વાય કિસ્મત

• માછીમારના જાળમાં ફસાયો કિંમતી સામાન 
• ઘટનાની ચારે બાજુ ચર્ચા 
• લોકો ગણાવી રહ્યા છે નસીબદાર 

ઈન્ડોનેશિયાના એક માછીમારની (Fishermen) સાથે એવું કંઈક થયું જેના કારણે રાતો રાતે તેની કિસ્મત બદલાઈ ગઈ. તે સમુદ્રમાં માછલી પકડવા ગયો હતો અને તેના હાથમાં કરોડો રૂપિયાનો ખજાનો લાગી ગયો. આ ખબર સામે આવ્યા બાદ લોકો માછીમારને નસીબદાર ગણાવી રહ્યા છે. 

ઈન્ડોનેશિયાના માછીમારની કિસ્મત ચમકી 
મીડિયા રિપોર્ટ્સ અનુસાર ઈન્ડોનેશિયાની બાંગ્કા બેલિતુંગ બીચ પર એક માછીમાર માછલી પકડવા માટે ગયો હતો. તે હોડીમાં જાળ નાખીને સમુદ્રમાંથી માછલી પકડી રહ્યો હતો. તેણે સમુદ્રમાં પોતાનું જાળ ફેક્યુ અને માછલીઓના ફસાવવાની રાહ જોવા લાગ્યો. તેની થોડી  મિનિટો બાદ જ્યારે તેણે જાળ પાછી ખેંચી તો તેની આંખો ખુલ્લી રહી ગઈ. હકીકતે તેની જાળમાં માછલી નહીં પરંતુ અમુક બોક્સ ફસાઈ ગયા હતા. 

ત્યાર બાદ માછીમારે ડરતા ડરતા આ ડબ્બા ખોલ્યા. માછીમારે જ્યારે આ ડબ્બાઓને ખોલ્યા તો તેમાંથી નિકળેલી વસ્તુ જોઈને તે ચોંકી ઉઠ્યો. આ ડબ્બાઓમાં એપ્પલના અલગ અલગ પ્રોડક્ટ્સ હતા. તેમાં આઈફોન આઈપેડ અને મેકબુક હતા. જેની કિંમત કરોડો રૂપિયા જણાવવામાં આવી રહી છે.

માછીમારે આપી ઘટનાની જાણકારી 
ત્યાર બાદ માછીમારે આ ઘટનાનો વીડિયો ટિકટોક પર શેર કર્યો છે. માછીમારે આ ફોટો શેર કરતા લખ્યું, "આ રીતે પલટે છે કિસ્મત" આ ઘટના વિષે જેણે પણ જાણ્યું તે ચોંકી ઉઢ્યું. માછીમારે વીડિયોમાં જણાવ્યું કે બોક્સમાં મુકવામાં આવેલા પ્રોડક્ટ્સ પાણીના કારણે ખરાબ નથી થયા. તેણે જણાવ્યું કે ડબ્બાઓની પેકિંગ એટલી સારી હતી કે સામાનને કોઈ નુકસાન નથી થયું.