ચૂંટણી પ્રચારમાં ક્લાસિકલ ડાન્સર શ્રીનિધિ ચિદમ્બરમનો વીડિયો મૂકનાર તમિલનાડુ ભાજપ પ્રદેશ યુનિટની ભારે ફજેતી થઈ છે.
તમિલનાડુમાં ભાજપે કોંગ્રેસ સાંસદની પત્નીનો વીડિયો શેર કર્યો
શ્રિનિધિની તસવીરવાળો વીડિયો ટ્વિટ કરીને ભાજપે બડાઈ હાંકી
કાચુ કપાયાનું ભાન થતા વીડિયો અને ટ્વિટ ડિલિટ કર્યું
શ્રીનિધિ ચિદમ્બરમ શિવગંગાના કોંગ્રેસ સાંસદ કાર્તિ ચિદમ્બરમની પત્ની છે અને તેઓ તમિલનાડુના વિખ્યાત ક્લાસિકલ ડાન્સર છે.
ભાજપે કાર્તિ ચિદમ્બરની પત્ની શ્રિનિધિનો વીડિયો શેર કર્યો
તમિલનાડુ ભાજપ યુનિટે ટ્વિટર પર શેર કરેલા ટ્વિટમાં લખ્યું કે ચાલો કમળને ખીલવા દઈએ, ચાલો તમિલનાડુનો વિકાસ થવા દઈએ,શ્રીનિધિ ચીદમ્બરની તસવીર વાળી પાંચ મિનિટની વીડિયો ક્લિપમાં ભાજપે તમિલ ભાષા અને સંસ્કૃતિની મહાનતા દર્શાવીને એવી બડાઈ હાંકી કે ભાજપને કારણે તમિલ ભાષા અને સંસ્કૃતિ ફૂલીફાલી છે.ભાજપે શેર કરેલા વીડિયોમાં શ્રીનિધિ સેમમોંઝી ગીત પર ડાન્સ કરી રહેલા દેખાતા હતા. સેમમોંઝી ગીતની રચના પૂર્વ દિવંગત સીએમ એમ.કરુણાનિધિએ કરેલી છે તથા તથા એ આર.રહેમાને તેને કમ્પોઝ કર્યું છે.
Faux pas by Tamil Nadu BJP! 🙈
They have used a portion of Bharatanatyam performed by Srinidhi Karti Chidambaram in their election promo.
શ્રીનિધિ ચીદમ્બરે ભાજપના આ કામની ઠેકડી ઉડાવી છે. ભાજપના આ વીડિયો પર પ્રતિક્રિયા આપતા શ્રિનિધિએ જણાવ્યું કે તમિલનાડુમાં ભાજપ કદી પણ ખીલશે નહીં. આ વીડિયો વાયરલ થયા બાદ સોશિયલ મીડિયા પર લોકોએ ભાજપને ટ્રોલ કર્યાં હતા. કોંગ્રેસે પણ ભાજપના આ કામની મજાક ઉડાવતા જણાવ્યું કે ડીયર તમિલનાડુ ભાજપ, અમે સમજીએ છીએ કે તમારે માટે મંજૂરી લેવી ખૂબ અઘરી છે તમે શ્રિનિધિની મંજૂરી વગર તેમની તસવીરનો ઉપયોગ ન કરી શકો. તમે જે કર્યું છે તેનાથી સાબિત થાય છે કે તમારો પ્રચાર જુઠથી ભરપૂર છે.
Dear @BJP4TamilNadu, we understand 'consent' is a difficult concept for you to understand, but you cannot use Mrs Srinidhi Karti Chidambaram's image without her permission. All you've done is prove that your campaign is full of lies & propaganda. pic.twitter.com/CTYSK9S9Qw
— Tamil Nadu Congress Committee (@INCTamilNadu) March 30, 2021
આ મુદ્દે કાચુ કપાયાનું ભાન થતા ભાજપે તાત્કાલિક વીડિયો ડિલિટ કરી નાખ્યો હતો. ભાજપ આઈટી સેલના મેમ્બર નિર્મલે જણાવ્યું કે વેન્ડરે ચિદમ્બરની વીડિયો ક્લિપ સરકારી વેબસાઈટ પરથી લઈને ભૂલ કરી છે જે સુધારી લેવામાં આવી છે.