મહામારી / ચાલો વધુ એક રાહત! અમેરિકાની આ જાણીતી કંપનીએ ઓમિક્રોન વેક્સિનના ટ્રાયલ શરૂ કર્યા

• કોરોના વાયરસની વેક્સીનના નિર્માતા કરી રહ્યાં છે પોતાનાં ટીકામાં બદલાવ
• બૂસ્ટર ડોઝથી મળે છે મજબૂત સુરક્ષા
• અમેરિકી રિસર્ચ માટે 18 થી 55 વર્ષના ૧૪૨૦ હેલ્ધી લોકોનું થઇ રહ્યું છે રજીસ્ટ્રેશન

મૂળ વેકસીનમાં શું કરવો પડશે બદલાવ?
દુનિયાભરમાં ઓમીક્રોનના કહેર વચ્ચે ફાઈઝરે આશા જગાવી છે. કોરોના વાયરસે દુનિયાભરમાં હાહાકાર મચાવી રાખ્યો છે. સાથે તેનો નવો વેરિયંટ ઓમિક્રોનતો ત્રીજી લહેરનું કારણ બની ચુક્યો છે. આ ઝડપથી ફેલાવાવાળા વેરિયંટને લઈને હેલ્થ એક્સપર્ટસ સતત નવા નવા ઉપાયો ખોજવામાં જુટાયેલ છે. આ જ દરમિયાન અમેરિકી દવા કંપની ફાઈઝરે Covid-19 સાથે લડવા માટે તૈયાર કરવામાં આવેલી પોતાની મૂળ વેક્સીન તથા ઓમિક્રોન માટે બનાવાયેલ વેક્સીન પર રિસર્ચ શરુ કર્યું છે. ફાઈઝર તથા તેના ભાગીદાર બાયોએનટેકે આ જાણકારી આપી છે. જણાવી દઈએ કે કોરોના વાયરસની વેક્સીનના નિર્માતા ઓમિક્રોન સાથે મુકાબલો કરવા માટે પોતાનાં ટીકામાં બદલાવ કરી રહ્યાં છે જેથી કરીને ગ્લોબલ લેવલ પર જરૂરી બદલાવનો નિર્ણય આવવાની સ્થિતીમાં તૈયાર રહી શકાય. એક રિસર્ચ અનુસાર, ડેલ્ટા વેરીયંટની તુલનામાં ઓમીક્રોનથી એ લોકોમાં પણ સંક્રમણની અધિક સંભાવના છે જેમણે વેક્સીન લીધેલી છે, પરંતુ હજુ સુધી એ સ્પષ્ટ થયું નથી કે શું ખરેખર વેકસીનમાં બદલાવની જરૂર છે?

બૂસ્ટર ડોઝ છે લાભકારી
અમેરિકામાં થયેલ એક રિસર્ચમાં સામે આવ્યું છે કે જે વેક્સીન હાજર છે તે લોકોને કોરોનાના ગંભીર લક્ષણ તથા મૃત્યુથી સુરક્ષા પ્રદાન કરે છે. સાથે અમેરિકા તથા અન્ય સ્થળો પર થયેલ અધ્યયન એ સ્પષ્ટ કરે છે કે બૂસ્ટર ડોઝથી સુરક્ષા કવચ મજબૂત બને છે તથા સંક્રમણના હલકા લક્ષણોથી બચવાની સંભાવના પણ વધે છે. ફાઈઝરના વેક્સીન રિસર્ચ ચીફ કેથરીન જેનસને જણાવ્યું, આપણે સમય સાથે વેક્સીનથી મળેલ ઈમ્યુનિટીના ઘટવા તથા ભવિષ્યમાં ઓમિક્રોન તથા નવા વેરીયંટસથી નીપટવામાં મદદ કરવા માટે તૈયાર રહેવાની જરૂર છે.

ઓમિક્રોન માટે તૈયાર વેકસીનની ટ્રાયલ
નવી અમેરિકી રિસર્ચ માટે 18 થી 55 વર્ષના ૧૪૨૦ હેલ્ધી લોકોનું રજીસ્ટ્રેશન કરવામાં આવી રહ્યું છે જેથી અપડેટ થયેલ વેકસીનના બૂસ્ટરના રૂપથી પરીક્ષણ થઇ શકે. આ દરમિયાન રિસર્ચ કરવાવાળા ટીકા સુરક્ષામાં આવવાવાળી ખામીઓની તપાસ થશે તથા ખબર પડશે કે મૂળ વેકસીનની તુલનામાં અપડેટ થયેલ વેક્સીન પ્રતિરોધક ક્ષમતા કે ઈમ્યુન સિસ્ટમને કઈ રીતે વધારે છે. રિસર્ચ દરમિયાન પહેલા ગ્રુપમાં લગભગ 600 વોલેંટિયર જેમને ત્રણથી છ મહિના પહેલા ફાઈઝરના મૂળ ટીકાના બે ડોઝ અપાયા હતા, તેમને એક કે બે ઓમિક્રોન આધારિત બૂસ્ટર ડોઝ દેવામાં આવશે, જયારે બીજા ગ્રુપમાં આવાં 600 લોકો જેને પહેલા જ ત્રણ રેગ્યુલર ડોઝ દેવાઈ ચુક્યા છે, તેમને ચોથા ડોઝના રૂપે રેગ્યુલર વેક્સીન કે ઓમિક્રોન આધારિત ટીકાનો ડોઝ આપવામાં આવશે. આમાં અમુક વેક્સીન ન લીધેલા         વોલેંટિયર્સને પણ લેવામાં આવશે જેઓ ઓમિક્રોન માટે બનાવવામાં આવેલ વેકસીનના ત્રણ ડોઝ લેશે.