પાકિસ્તાનના વડાપ્રધાન ઇમરાન ખાને ગુરૂવારના રોજ અમેરિકાનો ત્રણ દિવસનો પ્રવાસ પૂર્ણ કરી સ્વદેશ પરત ફર્યાં હતા. ઇમરાન ખાન પરત ફરતાં હજારો સમર્થકો તેમના સ્વાગત માટે આવ્યાં હતા. અમેરિકા સાથે ચાલી રહેલા તણાવભર્યા સંબંધો વચ્ચે ઇમરાન ખાનના આ પ્રવાસને પાકિસ્તાન સફળ બતાવી રહ્યું છે.
વડાપ્રધાન ઇમરાન ખાને કહ્યું કે મને એવું નથી લાગી રહ્યું કે હું કોઇ વિદેશ પ્રવાસ કરીને આવ્યો છું, પરંતુ મને એવું લાગી રહ્યું છે કે હું જાણે વર્લ્ડકપ જીતીને આવ્યો છું. જો કે પાકિસ્તાનમાં જોવા મળી રહેલો માહોલથી તો જાણે એવી લાગી રહ્યું છે કે જાણે ઇમરાન ખાને પ્રવાસમાં ઘણુ બધુ મેળવી લીધું.
અર્થવ્યવસ્થા માટે કાંઇ ન મળ્યું...
પાકિસ્તાનના વડાપ્રધાન ઇમરાન ખાનના અમેરિકાના પ્રવાસને લઇને યુએસ તરફથી કોઇ આર્થિક મદદની જાહેરાત કરવામાં આવી નથી. ઉલ્લેખનીય છે કે ગત વર્ષે અમેરિકાએ પાકિસ્તાનને મળતી 1.3 અરબ ડોલરની સુરક્ષા મદદ પર રોક લગાવી દીધી હતી. ટ્રમ્પે જણાવ્યું હતું કે પાકિસ્તાને અમને ખોટૂ અને ફ્રોડ સિવાય કાંઇ આપ્યું નથી.
પાકિસ્તાન વિદેશ દેવામાં ડૂબી ગયુ છે. પાકિસ્તાને ચીન-સાઉદી અરબ સહિત અનેક દેશો પાસેથી અરબો ડોલર્સ ઉધાર લીધા છે. તેમની વિદેશી મુદ્રા ભંડારની હાલત પણ ખરાબ છે. જો કે હાલમાં જ પાકિસ્તાનની અર્થવ્યવસ્થા સંભાળવા માટે આંતરરાષ્ટ્રીય મુદ્રા કોષ દ્વારા 6 અરબ ડોલરનું બેલઆઉટ પેકેજ આપવામાં આવ્યું હતું તેમ છતાં વૃદ્ધિદરમાં કોઇ વધારો જોવા મળ્યો નહીં.
જો કે એક અહેવાલ મુજબ ઇમરાન ખાન તેમજ પાકિસ્તાનના અન્ય અધિકારીઓએ અમેરિકા પાસે ડૂબતી અર્થવ્યવસ્થા માટે આર્થિક મદદ જરૂર માગી હશે. રાષ્ટ્રપતિ ટ્રમ્પે ઇમરાન ખાન સાથે મુલાકાતમાં સુરક્ષા મદદ પર કહ્યું, પાકિસ્તાન આ બધુ પરત મેળવી શકે છે.
પરંતુ આ એ વાત પર નિર્ભર છે કે બંને દેશ અફઘાનિસ્તાનમાં શુ ઉપલબ્ધિ પ્રાપ્ત કરે છે. ઇમરાન ખાન અને ટ્રમ્પની મુલાકાતમાં અફઘાનિસ્તાનનો મુદ્દો મહત્વનો જોવા મળ્યો હતો. આ મુલાકાતમાં ટ્રમ્પ અફિઘાનિસ્તાનમાં પાકિસ્તાનની ભૂમિકાને લઇને ઘણુ ઉત્સાહિત જોવા મળ્યું.