નારાજગી / ગુજરાતમાં પેટ્રોલ-ડીઝલ એસો.નું મોટું એલાન, સપ્તાહમાં એક દિવસ પેટ્રોલ ખરીદી રહેશે બંધ

• પેટ્રોલ ડિઝલના ભાવ વધારા વચ્ચે ડિલર્સ લડતના માર્ગે
• પેટ્રોલ પંપ ડીલર્સની બેઠકમાં લેવાયો મહત્વનો નિર્ણય
• 12 ઓગસ્ટથી દર ગુરૂવારે પેટ્રોલ-ડિઝલની નહી કરે ખરીદી

ગુજરાતમાં પેટ્રોલ-ડીઝલના ભાવ વધારા વચ્ચે ડિલર્સ પણ હવે લડતના માર્ગે પર આવી ગયા છે. અને રાજ્યના પેટ્રોલિયમ ડીલર્સ એસોસિએશન દ્વારા મહત્વની જાહેરાત કરાઈ છે. 12 ઓગસ્ટથી રાજ્યભરમાં દર ગુરૂવારે પેટ્રોલ-ડીઝલની ખરીદી ડીલર્સ દ્વારા કરાશે નહીં. આ સાથે ગુરૂવારે 1 કલાક CNGનું વેચાણ પણ બંધ રાખવાનો નિર્ણય કર્યો છે. પેટ્રોલ-ડીઝલના કમિશનને લઇને પેટ્રોલિયમ ડિલર્સ નારાજ છે.

ડિલર એસો.ના પ્રમુખની Vtv સાથે ખાસ વાતચીત

એસો.ના પ્રમુખે vtv સાથે વાતચીત કરતા કહ્યું, અમારું ડીલર માર્જીન 4 વર્ષથી વધ્યું નથી. છેલ્લા 4 વર્ષથી અમે અનેક અરજીઓ કરી છે. જ્યાં સુધી અમારી માગણી પૂરી થશે નહીં. ત્યાં સુધી દર ગુરુવારે પેટ્રોલ-ડીઝલની ખરીદી બંધ રહેશે. સાથે 1 કલાક CNGનું વેચાણ બંધ રાખવાની જાહેરાત કરાઈ છે. 

ગુજરાતમાં મોંઘવારીએ ઘરના બજેટ બગાડ્યા

ગુજરાતમાં દૂધ, પેટ્રોલ, ગેસના સિલિન્ડરના ભાવમાં વધારા બાદ મોંઘવારીની યાદીમાં શાકભાજીનું પણ નામ જોડાઈ ગયું છે. ટ્રૅન્સ્પૉર્ટેશનના કારણે હવે શાકભાજીના ભાવ પર પડી છે. ડીઝલની કિંમતમાં વધારો થતા ટ્રાન્સ્પોટેશન પણ મોંઘુ બન્યું છે. અને તેની સીધી અસર ઘરસામગ્ર પર દેખાઈ રહી છે.

ગૃહિણીઓનું બજેટ પણ ખોરવાઈ રહ્યું છે. સારી આવક ધરાવતા લોકોના ઘરમાં પણ કરકસરની કસરત શરૂ થઈ ગઈ છે. જે ઘરમાં રોજ પકવાન બનતા હતા ત્યા હવે માંડ એક મહિનામાં કોઈ મીઠાઈ દેખાઈ રહી છે. બીજી તરફ કોરોનાના કારણે હજુ માર્કેટમાં કોઈ તેજી જોવા મળી રહી નથી. આ સાથે થોડા દિવસ અગાઉ સુરતની સુમુલ ડેરી અને અમુલ ડેરીએ દૂધના ભાવમાં પણ લીટરે વધારો કર્યો છે. 

મોંઘવારીનું ભજન થયું વાઈરલ

દેશમાં મોંઘવારી આસમાને છે. પેટ્રોલ-ડીઝલની કિંમત 100 રૂપિયાની નજીક પહોંચી ગઈ છે. ગેસ સિલિન્ડરની કિંમતો વધી ગઈ છે. શાકભાજીથી લઈને ફળ, અનાજના ભાવ વધતાં ગૃહિણીઓનું બજેટ ખોરવાઈ ગયું છે. આ જ કારણ છે કે એક ભજનમંડળીમાં મહિલાઓએ મોંઘવારી પર ભજન બનાવી દીધું. આ ભજન ગરીબ અને સામાન્ય પ્રજાને સંબોધીને બનાવવામાં આવ્યું છે. તો સાથે જ મોંઘવારી મામલે સરકારને પણ સંદેશ આપવામાં આવ્યો છે. આ ભજન હાલ સોશિયલ મીડિયામાં ઘણું વાયરલ થઈ રહ્યું છે.

ગુજરાતમાં પેટ્રોલ અને ડીઝલની કિંમત

ગુજરાતમાં પેટ્રોલની કિંમત 98.50 રૂપિયા પર પહોંચી ગઈ છે. અને ડિઝલ પણ 96 રૂપિયા પ્રતિલિટર પર વેચાણ થઈ રહ્યું છે. પેટ્રોલ અને ડીઝલ બંને 100 રૂપિયાથી થોડું જ દૂર છે. જો કે, ગીર સોમનાથ જિલ્લામાં સૌપ્રથમ પેટ્રોલની કિંમત 100 રૂપિયા પર પહોંચી ચૂકી છે. 

1 જુલાઈથી ગુજરાતમાં અમૂલ દૂધના ભાવમાં વધારો

અમૂલે દૂધના ભાવમાં વધારો કરી દીધો છે. અમૂલ દૂધની તમામ બ્રાન્ડમાં પ્રતિ લિટર રૂ.2નો વધારો કરાયો છે. દેશમાં પેટ્રોલના સતત વધતા જતા ભાવ પછી હવે દૂધના ભાવમાં પણ તોતિંગ વધારો કરવામાં આવ્યો છે. અમૂલે ગોલ્ડ, તાજા અને શક્તિ દૂધના લિટર દીઠ ભાવમા બે રૂપિયાનો વધારો થયો હતો. ગુજરાત મિલ્ક માર્કેટિંગ ફેડરેશન દ્વારા આ વધારો લાગુ કરવામાં આવ્યો હતો. ભાવ વધારા બાદ અમૂલ ગોલ્ડ પ્રતિલિટર રૂ.58માં મળશે. જ્યારે અમૂલ તાજા પ્રતિ લિટર રૂ.46 અને અમૂલ શક્તિ પ્રતિ લીટર રૂ.52માં મળશે.