પત્ની કોઈ વાર વ્યભિચાર કરે તો પતિ તેને નિર્વાહ ભથ્થાનો ઈન્કાર ન કરી શકે તેવો દિલ્હી હાઈકોર્ટે એક કેસમાં ચુકાદો આપ્યો છે.
મહિલાઓ તરફી દિલ્હી હાઈકોર્ટનો મોટો ચુકાદો
પત્નીની એકાદ વારનો વ્યભિચાર નિર્વાહ ભથ્થાના ઈન્કારનું કારણ ન બની શકે
પતિએ પત્નીના વ્યભિચારના નક્કર પુરાવા આપવા પડશે
પત્નીના એકાદ વારના વ્યભિચારને મુદ્દો બનાવીને નિર્વાહ ભથ્થામાંથી છટકી જવાનો પ્રયાસ કરનાર એક શખ્સને હાઈકોર્ટે આકરી લપડાક મારી છે. હાઈકોર્ટેમાં એક શખ્સને ટ્રાયલ કોર્ટના ચુકાદાને પડકાર્યો હતો. ટ્રાયલ કોર્ટે શખ્સને પત્નીને મહિને 15,000નું નિર્વાહ ભથ્થું ચુકવવાનો આદેશ આપ્યો હતો. શખ્સે ટ્રાયલ કોર્ટના આ ચુકાદાને હાઈકોર્ટમાં પડકાર્યો હતો. શખ્સે હાઈકોર્ટમાં એવી દલીલ કરી કે તેની પત્ની વ્યભિચારમાં જીવી રહી છે અને તેને દગો આપ્યો છે આથી તેને નિર્વાહ ભથ્થું ન આપી શકે.જોકે હાઈકોર્ટે આ દલીલને ફગાવીને મહિલાઓ તરફી એક મોટો ચુકાદો આપતા એવું જણાવ્યું કે જો પત્ની કોઈ એકાદ વાર કે પ્રસંગોપાત એકાંતમાં વ્યભિચાર આચરે તો તેને કારણે કંઈ પતિ તેને નિર્વાહ ભથ્થું આપવાનો ઈન્કાર ન કરી શકે.
પતિ પાકા પુરાવા આપીને પત્નીનો વ્યભિચાર સાબિત કરે
દિલ્હી હાઈકોર્ટના જસ્ટીસ ચંદ્ર ધારી સિંહે જણાવ્યું કે પતિએ પાકા પુરાવા સાથે સાબિત કરવું પડશે કે પત્ની વ્યભિચારમાં જીવી રહી છે અને કોઈ એકાદ વાર કે પ્રસંગોપાત થતા વ્યભિચારને જીવંત વ્યભિચાર ન ગણી શકાય.
શું છે મામલો
પોતાની પત્નીને મહિને 15,000નું નિર્વાહ ભથ્થું આપવાના ટ્રાયલ કોર્ટના ચુકાદાને એક પતિએ ઉપલી કોર્ટમાં પડકાર્યો હતો. પતિએ તેની અરજીમાં કહ્યું હતું કે તેની પત્ની ક્રૂર, વ્યભિચારી અને તેને છોડીને જતી રહી છે તેથી તેને નિર્વાહ ભથ્થું ન આપી શકાય. હાઈકોર્ટે આ અરજી ફગાવી દેતા એવું જણાવ્યું કે જો દ્વારા સતત વ્યભિચાર થયાનું પતિની જાણમાં આવે અને પતિ તેના પાકા પુરાવા રજૂ કરે તો જ તેને નિર્વાહ ભથ્થું ન આપી શકાય. જો પત્ની એકાદ વાર વ્યભિચાર કરે તો તેને કારણે કંઈ પતિ તેને નિર્વાહ ભથ્થું આપવાનો ઈન્કાર ન કરી શકે. આ કેસમાં પતિ પત્નીના સતત વ્યભિચારને સાબિત ન કરી શક્યો હોવાથી હાઈકોર્ટે તેની અરજી ફગાવીને આવો ચુકાદો આપ્યો હતો.
માતાનો વ્યભિચાર પુત્ર બહાર લાવ્યો પણ પતિ સાબિત ન કરી શક્યો
હાઈકોર્ટે એવું પણ કહ્યું કે કપલના પુત્ર દ્વારા વ્યભિચારનો દાવો કરવામા આવ્યો હતો. એટલે પુત્ર માતાનો વ્યભિચાર બહાર લાવ્યો હતો. કોર્ટે કહ્યું કે જોકે પતિ એવું પાકા પાયે સાબિત નહોતો કરી શક્યો કે તેની પત્ની વ્યભિચારમાં જીવી રહી છે.