બદલાવ / ICICI Bankના ખાતાધારકો માટે ખૂબ જ મહત્વના સમાચાર, 1 ઓગસ્ટથી થવાનો છે મોટો બદલાવ, ફટાફટ જાણી લો

• ICICI Bankના ખાતાધારકો માટે જરૂરી સમાચાર
• 1 ઓગસ્ટથી બેંક ઘણાં મોટા ફેરફારો કરવા જઈ રહી છે
• આ ચાર્જિસમાં બેંક કરશે ફેરફાર

બેંકે કહ્યું કે બચત ખાતાધારકો માટે રોકડ ટ્રાંઝેક્શન, એટીએમ ઇન્ટરચેન્જ ચાર્જ અને ચેક બુક ચાર્જમાં ફેરફાર કરવામાં આવશે. તમને જણાવી દઈએ કે બેંક દ્વારા ગ્રાહકોને 4 ફ્રી ટ્રાન્ઝેક્શન આપવામાં આવે છે. જો તમે આના કરતા વધુ ઉપાડ કરો છો તો તમારે ચાર્જ ચૂકવવો પડશે. બેંકની વેબસાઇટ અનુસાર, ફ્રી મર્યાદાથી વધુના ટ્રાંઝેક્શન માટેનો ખર્ચ ટ્રાંઝેક્શન દીઠ  150 રૂપિયા હશે. આ તમામ નિયમો 1 ઓગસ્ટથી અમલમાં આવશે.

હોમ બ્રાન્ચમાં કોઈ ફી લેવામાં આવશે નહીં

ઓગસ્ટ મહિનાથી આઈસીઆઈસીઆઈ બેંકના ગ્રાહકો માટે તેમની હોમ બ્રાન્ચમાં ઉપાડ મર્યાદા દર મહિને 1 લાખ રહેશે. આથી વધુના કિસ્સામાં, 1000 દીઠ 5 રૂપિયા ચૂકવવા પડશે. સાથે જ બિન-સ્થાનિક શાખામાં દરરોજ 25,000 રૂપિયા સુધીના રોકડ વ્યવહાર માટે કોઈ ચાર્જ નહીં લાગે. 25,000થી વધુના ટ્રાન્ઝેક્શન પર પ્રતિ 1000 રૂપિયા પર 5 રૂપિયા ચાર્જ લાગશે. 

એટીએમ ઇન્ટરચેન્જ ટ્રાન્ઝેક્શન

બેંકની વેબસાઇટ અનુસાર, એટીએમ ઇન્ટરચેન્જ ટ્રાન્ઝેક્શન પર પણ ચાર્જ લેવામાં આવશે. તમને જણાવી દઈએ કે એક મહિનામાં પહેલાં 3 ટ્રાન્ઝેક્શન 6 મેટ્રો લોકેશન પર મફત હશે. અન્ય તમામ સ્થળોએ મહિનામાં પ્રથમ 5 ટ્રાન્ઝેક્શન મફત રહેશે. પ્રતિ ફાઈનાન્શિયલ ટ્રાન્ઝેક્શન પર 20 રૂપિયા અને નોન ફાઈનાન્શિયલ ટ્રાન્ઝેક્શન પર 8.50 ચૂકવવા પડશે. 

ચેક બુક

આ સિવાય જો તમે ચેકબુક વિશે વાત કરો તો તમારે એક વર્ષમાં 25 ચેક માટે કોઈ ફી ચૂકવવી  નહીં પડે. સાથે જ આ પછી તમારે વધારાની ચેક બુક માટે 10 પેજ દીઠ 20 રૂપિયા ચૂકવવા પડશે. કેલેન્ડર મહિનાના પ્રથમ રોકડ ઉપાડ માટે કોઈ પૈસા લેવામાં આવશે નહીં, ત્યારબાદ ફી ચૂકવવી પડશે. આ વિશેની વધુ માહિતી માટે તમે બેંકની વેબસાઇટની મુલાકાત લઈ શકો છો.

ગમે ત્યાં રોકડ ઉપાડ

કેલેન્ડર મહિનામાં પ્રથમ રોકડ ઉપાડ માટે તમારે કોઈ ફી ચૂકવવાની રહેશે નહીં. આ પછી તમારે દર હજાર રૂપિયે 5 રૂપિયા ચૂકવવા પડશે.

ગમે ત્યાં કેશ ડિપોઝિટ અને કેશ રિસાયકલર

આ સિવાય તમે આઈસીઆઈસીઆઈ બેંક શાખામાં હજાર દીઠ રૂ 5 અથવા તેના ભાગને જમા કરી શકો છો, જે ઓછામાં ઓછું 150 રૂપિયા છે. કેલેન્ડર મહિનાની પહેલી રોકડ રકમ જમા કરાવવા માટે કેશ રિસાયકલ મશીન કોઇપણ પ્રકારનું ચાર્જ લેશે નહીં, ત્યારબાદ ફી લેવામાં આવશે. વધુ વિગતો બેંકની વેબસાઇટ પરથી જોઇ શકાય છે.