ઝડપી લો તક હવે / યુવાનો માટે સરકારી નોકરીની સારામાં સારી તક, 6 બેન્કોમાં 6000થી વધારે જગ્યાઓની ભરતી, આજે કરો એપ્લાય

• સરકારી બેન્કોમાં નોકરીની તૈયારી કરી રહેલા યુવાનો માટે સોનેરી તક
• જાહેર ક્ષેત્રની 6 બેંકોમાં 6432 ખાલી જગ્યાઓ ભરાશે 
• કેનરા બેન્કમાં સૌથી વધારે 2500 જગ્યાઓની ભરતી 
• આઇબીપીએસે મેનેજમેન્ટ ટ્રેઇની પોસ્ટ્સ માટેનું જાહેરનામું બહાર પાડ્યું 
• 2 ઓગસ્ટ, 2022થી આઇબીપીએસની વેબસાઇટ ibps.in પર અરજી કરી શકાશે 

સરકારી બેન્કોમાં નોકરીની તૈયારી કરી રહેલા યુવાનોને સોનેરી તક મળવાની છે. ઇન્સ્ટિટ્યૂટ ઓફ બેંકિંગ પર્સનલ સિલેક્શન (આઇબીપીએસ)એ દ્વારા 6 સરકારી બેન્કોમાં 6432 ખાલી જગ્યાઓ ભરવા માટેનું જાહેરનામું બહાર પાડ્યું છે.  લાયક અને રસ ધરાવતા ઉમેદવારો આ પોસ્ટ્સ માટે આજથી એટલે કે 2 ઓગસ્ટ, 2022 થી આઇબીપીએસ ibps.in સત્તાવાર વેબસાઇટ દ્વારા અરજી કરી શકે છે.

જાહેર ક્ષેત્રની 6 બેંકોમાં 6432 ખાલી જગ્યાઓ ભરાશે

આ ભરતી પ્રક્રિયા દ્વારા,  પંજાબ નેશનલ બેંક, કેનેરા બેંક અને બેંક ઓફ ઇન્ડિયા સહિત 6 જાહેર ક્ષેત્રની બેંકોમાં 6432 ખાલી જગ્યાઓ ભરાશે. પ્રોબેશનરી ઓફિસર/ મેનેજમેન્ટ ટ્રેઇની પોસ્ટ્સ માટે ઉમેદવારો 22 ઓગસ્ટ, 2022 સુધી અરજી કરી શકશે. આઇબીપીએસ પીઓ પોસ્ટ્સ માટે અરજદારોની પસંદગી ઓનલાઇન પરીક્ષા દ્વારા કરવામાં આવશે, જે બે તબક્કામાં (પ્રિલિમ્સ અને મેઇન્સ) લેવામાં આવશે.

જાણો ક્યારે લેવાશે પરીક્ષા 

આઇબીપીએસ પીઓ પ્રિલિમ્સ પરીક્ષા ઓક્ટોબર 2022માં લેવામાં આવશે. પ્રીલિમ્સ પરીક્ષા પાસ કરનારાઓને નવેમ્બરમાં આઇબીપીએસ પીઓ મેઇન્સ પરીક્ષા માટે બોલાવવામાં આવશે. આ પછી, જાન્યુઆરી/ ફેબ્રુઆરી 2023 માં શોર્ટલિસ્ટ થયેલા ઉમેદવારો માટે ઇન્ટરવ્યુ લેવામાં આવશે. જણાવી દઈએ કે કેનેરા બેંકે સૌથી વધુ 2500 પદો પર ભરતી કરી છે.

વેકેન્સીની વિગતો
કેનેરા બેંક - 2500 પોસ્ટ
યુનિયન બેંક ઓફ ઇન્ડિયા - 2094 પોસ્ટ્સ
યુકો બેંક - 550 પોસ્ટ્સ
બેંક ઓફ ઇન્ડિયા - 535 પોસ્ટ્સ
પંજાબ નેશનલ બેંક - 500 પોસ્ટ્સ
પંજાબ એન્ડ સિંધ બેંક - 253 પોસ્ટ્સ

શૈક્ષણિક લાયકાત
પ્રોબેશનરી ઓફિસર/ મેનેજમેન્ટ ટ્રેઇની પોસ્ટ્સ માટે અરજી કરનારા ઉમેદવારો પાસે સરકાર માન્ય યુનિવર્સિટીમાંથી કોઈપણ શિસ્તમાં ગ્રેજ્યુએશનની ડિગ્રી હોવી જોઈએ. આ પોસ્ટ્સ માટે અરજદારોની ઓછામાં ઓછી ઉંમર 20વર્ષ અને વધુમાં વધુ 30 વર્ષ હોવી જોઈએ.