નિવેદન / આ ઘટનાને સાંખી નહીં લેવાય, જપાનની લોકશાહી પર હુમલો, આબે પર ગોળીબાર બાદ PM કિશિદાનું નિવેદન

• સ્થાનિક મીડિયા અનુસાર હુમલાખોર 40 વર્ષીયનો આધેડ છે  
• આબે પર થયેલા હુમલા પર જપાનના PM ફ્યુમિયો કિશિદાએ આપી પ્રતિક્રિયા 
• ફ્યુમિયો કિશિદાએ શિન્ઝો આબે પરના હુમલાની સખત નિંદા કરી

આબે પર થયેલા હુમલા પર જપાનના PM ફ્યુમિયો કિશિદાએ આપી પ્રતિક્રિયા 

જપાનના પૂર્વ વડાપ્રધાન શિન્ઝો આબે પર ચૂંટણી ભાષણ દરમિયાન હુમલો કરવામાં આવ્યો હતો. આ દરમિયાન હુમલાખોરે શિન્ઝો આબેને ગોળી મારી દીધી હતી.જેની વચ્ચે જપાનના વડાપ્રધાન ફ્યુમિયો કિશિદાએ શિન્ઝો આબે પર થયેલા હુમલા અંગે માહિતી આપી હતી. તેમણે જણાવ્યું હતું કે, આ હુમલો બર્બર અને દુર્ભાવનાપૂર્ણ છે. અને તેને સહન કરી શકાય નહીં. કારણ કે તે જપાનની લોકશાહી પર હુમલો છે. જેનો મહત્વનો પાયો ચૂંટણી છે.

यह बर्बर और दुर्भावनापूर्ण है और इसे बर्दाश्त नहीं किया जा सकता। हम वो सब कुछ करेंगे जो हम कर सकते हैं... इस समय, डॉक्टर शिंजो आबे को बचाने के लिए हर संभव कोशिश कर रहे हैं: जापान के प्रधानमंत्री फुमियो किशिदा

(रॉयटर्स) pic.twitter.com/eo2HQdiaS4

— ANI_HindiNews (@AHindinews) July 8, 2022

ફ્યુમિયો કિશિદાએ શિન્ઝો આબે પરના હુમલાની સખત નિંદા કરી

આ દરમિયાન ફ્યુમિયો કિશિદા ખૂબ જ ભાવુક દેખાતા હતા. તેમણે કહ્યું કે શિન્ઝો આબેને બચાવવા માટે ડોક્ટરો તેમના શ્રેષ્ઠ પ્રયાસો કરી રહ્યા છે. અમે અમારાથી બનતું બધું કરીશું... આ સમયે, ડૉક્ટર શિન્ઝો અબેને બચાવવા માટે ખૂબ જ મહેનત કરી રહ્યા છે. આશા છે કે શિન્ઝો આબે જલ્દી સ્વસ્થ થઈ જાય. તમને જણાવી દઈએ કે પોલીસે 41 વર્ષના એક શંકાસ્પદની અટકાયત કરી છે. જેનું નામ યામાગામી તેત્સુયા જણાવવામાં આવી રહ્યું છે, જેની પાસેથી એક બંદૂક મળી આવી છે. કહેવામાં આવી રહ્યું છે કે બે ગોળી ચલાવવામાં આવી હતી. આ હુમલા બાદ પોલીસ સતર્ક થઈ ગઈ છે અને ચુસ્ત સુરક્ષા વ્યવસ્થા ગોઠવી દેવામાં આવી છે.

Deeply distressed by the attack on my dear friend Abe Shinzo. Our thoughts and prayers are with him, his family, and the people of Japan.

— Narendra Modi (@narendramodi) July 8, 2022

વડાપ્રધાન મોદીએ ટ્વીટ કર્યું

શિન્ઝો આબેને ગોળી મારવાના સમાચાર મળ્યા બાદ વડાપ્રધાને ટ્વીટ કર્યું. તેણે લખ્યું, “મારા પ્રિય મિત્ર શિન્ઝો આબે પર થયેલા હુમલાથી ખૂબ જ દુઃખી છું. અમારી પ્રાર્થના તેમની, તેમના પરિવાર અને જાપાનના લોકો સાથે છે.