સેવાકાર્ય / મારી આવકના 95 ટકા હું ગુજરાતીઓ માટે વાપરીશ : ખજૂરભાઈ ફેમ નીતિન જાનીનું એલાન

• નીતિન જાની જેતપુર પહોંચ્યો
• યુવાનોને સફળ થવાનો મંત્ર આપ્યો
• સૌરાષ્ટ્રમાં 161 ઘર બનાવ્યા છે

જેતપુર પહોંચ્યો નતિન
યુટ્યુબ પર વીડિયો બનાવીને ફેમસ થયેલ નીતિન જાનીએ થોડા સમય પહેલા જ જે લોકોના મકાન કાચા હતા તેમને પાકી છત અપાવી હતી અને બાદમાં એવું એલાન કર્યું કે તે એક કે 2 કાચા મકાન પાકા નહી કરાવે પરંતુ તે શક્ય હશે તે બધા મકાનને પાકી છત અપાવશે. હાલમાં જ તે જેકપુરમાં સ્વામિનારાયણ મહિલા મંદિર મૂર્તિ પ્રતિષ્ઠા મહોત્સવમાં પહોંચ્યો હતો. 

યુવાનોને આપ્યો સફળતાનો મંત્ર
નીતિને યુવાનોને સંબોધતા કહ્યું કે, જો જીવનમાં સફળ થવું હોય તો મોડી રાત સુધી જાગવાનું બંધ કરી દો, લોકોની નિંદા કરવાનું બંધ કરો અને સંગત સારી રાખવી. મોબાઇલમાં ગેમ રમવાનું બંધ કરી દો. આટલું કરવાથી જીવનમાં ઘણા બદલાવ આવી જશે.

જે વિકાસ કરે તે પૂજનીય
નીતિને આગળ કહ્યું કે જે સંતો, માણસો વિકાસના કાર્યો કરે છે તે હંમેશા પૂજનીય હોવા જોઇએ, જેતપુરમાં સાધુ સંતોનો આશીર્વાદ લેવા આવ્યો છુ અને ભગવાનને પ્રાર્થના છે કે એટલી તાકાત આપે કે ગુજરાતમાં જેટલા પણ મકાન કાચા છે તેને પાકા કરી શકાય. 

સાધુ સંતના આશીર્વાદમાં તાકાત
ખજૂર ભાઇએ કહ્યું કે, ગુજરાતમાં આપણે સૌ જાણીએ છીએ કે સાધુ સંતોના આશીર્વાદમાં તાકાત હોય છે. જ્યારે પણ આપણે સારુ કામ કરીએ છીએ તો કોઇ અદ્રશ્ય તાકાત આપણી સાથે હોય છે. સૌરાષ્ટ્રમાં અત્યાર સુધી 161 કાચા ઘરને પાકા બનાવ્યા છે.