દાદરા નગર હવેલી / જમવાનું બનાવવાની ના પાડતા પતિ બન્યો હેવાન, પત્ની-પુત્રી બંનેને પતાવી દીધા, દીકરીના મૃતદેહના ટુકડા કર્યા

દાદરા નગર હવેલીના ડોકમરડી વિસ્તારની  ઘટના
પતિએ પત્ની અને નાની પુત્રીની કરી કરપીણ હત્યા
જમવાનું બનાવવા બાબતે પરિવારમાં થયો હતો ઝગડો

સંઘ પ્રદેશ દાદરા નગર હવેલીમાં જમવાનું બનાવવાના સામાન્ય ઝઘડામાં પતિએ પરિવારમાં લોહિયાળ ખેલ ખેલી પરિવારને હતો નહોતો કરી નાખ્યો હતો. જેને કારણે સમગ્ર પંથકમાં સનસનાટી મચી ગઈ છે. ખાસ વાત તો એ છે કે અપરાધ કર્યા બાદ પતિએ સામે ચાલીને જ પોલીસને જાણ કરી હતી. જોકે પોલીસે તપાસ કરતા જે હકીકત બહાર આવી તે જાણીને ખુદ પોલીસ પણ ચોકી ગઈ હતી. 

પત્નીએ જમવાનું બનાવવાની ના પાડતા પતિ બન્યો હેવાન
સંઘ પ્રદેશ દાદરા નગર હવેલીના ડોકમરડી વિસ્તારમાં આવેલી ખાડી ફળિયામાં મહેતા પરિવારના આ મકાનમાં લોહિયાળ ખેલ ખેલાયો હતો. ખુદ પરિવારના મોભી યોગેશ મહેતાએ ફોન કરી જણાવ્યું કે તેની પત્નીનું મોત થયું છે. સામે ચાલીને પતિએ પોલીસને જાણ કરતા પોલીસની ટીમ ઘર પર પહોંચી હતી તપાસ કરતા પત્નીનો શંકાસ્પદ હાલતમાં મૃતદેહ મળી આવ્યો હતો. આથી પોલીસે પતિ યોગેશ મહેતાની આગવી ઢબે પૂછપરછ કરતા જે હકીકત બહાર આવી તે જાણીને ખુદ પોલીસ પણ ચોંકી ગઈ હતી. કારણ કે પોતાની પત્નીનું મોત થયું છે તેવું પોલીસને સામે ચાલીને જણાવનાર પતિ યોગેશ મહેતાએ જ પોતાની પત્નીની હત્યા કરી હોવાનું બહાર આવ્યું હતું. જોકે આ મામલે પોલીસે મૃતક ની પુત્રી ની પૂછપરછ કરતા બહાર આવ્યું કે રોજબરોજ થતા ઘરેલુ ઝઘડાઓને કારણે જ તેના પિતા યોગેશ મહેતાએ પત્નીની બોથડ પદાર્થ મારી અને હત્યા નીપજાવી હતી.

બોથડ પદાર્થ મારી પત્નીની કરી હત્યા

યોગેશના ઘરે તપાસ કરી રહેલ સેલવાસ પોલીસ જયારે રૅશમા મહેતાની હત્યા કોકડું ઉકેલી નાખ્યું હતું.ત્યારે જ યોગેશની નાની પુત્રી પણ ગુમશુદાની  કેફિયત યોગેસે રજુ કરી હતી .જોકે સેલવાસ  પોલીસે એ દીશામાં તપાસ  કરતા થથરાવવી મૂકે તેવી હકીકત બહાર આવી હતી. આરોપી યોગેશ મહેતાની આગવી ઢબે પૂછપરછ કરતા બહાર આવ્યું કે તેની ગુમ થયેલી નાની પુત્રીની પણ તેણે હત્યા નિપજાવી હતી. હત્યા બાદ પુત્રીના મૃતદેહના અનેક ટુકડા કર્યા હતા. ત્યારબાદ આ રાક્ષસી કૃત્ય આચરનાર નરાધમ પિતા એ જ પુત્રીના મૃતદેહના ટુકડા કરી તેને સગેવગે કરવા દાદરાની નહેરમાં ફેંકી દીધા હતા. તપાસ કરતા પોલીસને નહેરમાંથી મૃતદેહના અવશેષો મળી આવ્યા હતા. આમ પોલીસ તપાસમાં બહાર આવ્યું છે. યોગેશે જ  પોતાની પત્ની અને સગીર દીકરીની હત્યા કરી હોવાનું બહાર આવ્યું હતું.

બચાવવા પડેલી નાની પુત્રીને પણ રહેસી નાખી 
પત્ની અને પુત્રીની હત્યાનું કારણ કોઈ ગંભીર નહીં હતું. પરંતુ પરિવારમાં રોજબરોજ અવારનવાર પારિવારિક ઝઘડા થતા હતા. બનાવના દિવસે જમવાનું બનાવવા બાબતે પતિ પત્ની વચ્ચે ઝઘડો થયો હતો. પત્નીએ જમવાનું બનાવવાની ના પાડતા પતિ હેવાન બન્યો. અને પત્ની અને પુત્રીની હત્યા કરી નાખી હતી.આથી ઘરેલુ ઝઘડામાં એક પતિએ પોતાની પત્નીની હત્યા કરતા વચ્ચે બચાવવા પડેલી નાની પુત્રીની પણ બેરહેમી પૂર્વક હત્યા નિપજાવી હતી.