ઓફર / ઘર લેવાનું સપનું થશે સાકાર! આ બૅન્કોએ તહેવારો પહેલા આપ્યા મોટા ગુડ ન્યૂઝ, જાણો શું થશે ફાયદો

• તમારું ઘર ખરીદવાનું સપનુ થશે હવે સાકાર
• એક વિદેશી બેંક અને સ્થાનિક બેંકે વ્યાજ દર ઘટાડ્યા
• બીજી બેન્કના લોનને ટ્રાન્સફર કરાવનારા ગ્રાહકને સારી ઓફર અપાશે

હોમ લોન પ્રોડક્ટના વ્યાજ દરો ઘટાડ્યા

HSBCએ પોતાની હોમ લોન પ્રોડક્ટના વ્યાજ દરો ઘટાડ્યા છે. બ્રિટનની આ બેંક ભારતમાં હવે 6.45 ટકાના વાર્ષિક વ્યાજ દર મોર્ગેજ (સંપત્તિને ગિરવી રાખીને) લોન આપશે. કોઈ બીજી બેન્કના લોનને ટ્રાન્સફર કરાવનારા ગ્રાહકને પણ બેંક સારી ઓફર આપશે. આ દેશમાં સૌથી સસ્તી હોમ લોન છે.

31 ડિસેમ્બર સુધી પ્રોસેસિંગ ફીમાંથી છૂટછાટ

HSBC બેન્ક નવી લોન 6.70 ટકાના વ્યાજ દરે આપશે. આ વ્યાજ દર પર બેન્ક 30 કરોડ રૂપિયા સુધીની લોન આપશે. આ દેશમાં બાકી બેંકોની હોમ લોનની સરખામણીએ છે. HSBC બેન્કે એક નિવેદનમાં કહ્યું કે તહેવારોની સિઝન હેઠળ બેન્કે 31 ડિસેમ્બર સુધી લોન પર પ્રોસેસિંગ ફી માફ કરી દીધી છે.

Yes Bank એ ઘટાડ્યા વ્યાજ દરો

Yes Bank એ પોતાની હોમ લોનના વ્યાજ દરો ઘટાડ્યા છે. બેંકમાંથી હોમ લોન હવે 6.70 ટકાના દરે લઇ શકાય છે. જ્યારે નોકરીયાત મહિલાઓ માટે આ વ્યાજ દર 6.65 ટકા રહેશે. આ અગાઉ ગયા મહિને Kotak Mahindra Bank એ હોમ લોનના વ્યાજ દરો ઘટાડીને 6.50 ટકા કરી દીધા હતા. જ્યારે SBI, HDFCએ પણ પોતાના હોમ લોનના દરો ઘટાડ્યા છે.