વર્લ્ડ કપ 2019ના મહાસંગ્રામની શરૂઆત થઇ ચૂકી છે. ભારતીય ટીમની પહેલી મેચ 5 જૂને દક્ષિણ આફ્રીકા સામે થશે. પહેલી મેચ માટે ટીમ ઇન્ડિયાના ખેલાડીઓ સખત મહેનત કરી રહ્યા છે.
વિરાટ કોહલીની કેપ્ટનશીપમાં ટીમ ઇન્ડિયાનો આ પહેલો વર્લ્ડ કપ છે અને ફેન્સને આશા છે કે વિરાટ એમના માટે વર્લ્ડ કપ જરૂર જીતશે. પરંતુ એક વાત જે આપ વિરાટ કોહલી વિશે નહીં જાણતા હોવ. ભારતના તમામ ક્રિકેટરનું નિક નેમ છે. તેમ વિરાટ કોહલીને પણ 'ચીકૂ' નામથી ઓળખવામાં આવે છે. અહીં જાણો કે કોહલીનું આ નામ કેવી રીતે પડ્યું?
આ એક રસપ્રદ વાત છે. કેટલીય વાર ફીલ્ડ પર ધોની કોહલીને 'ચીકૂ' કહીને બોલાવે છે. તો લોકોને એ લાગ્યું કે ધોનીએ વિરાટનું નામ 'ચીકૂ' રાખ્યું છે. જોકે, વિરાટ કોહલીએ એક ચેટ શોમાં આ અંગે ખુલાસો કર્યો હતો કે તેમને 'ચીકૂ' કેમ બોલાવવામાં આવે છે. આ સાથે જોડાયેલ કિસ્સો પણ જણાવ્યો.
વિરાટ કોહલીએ જણાવ્યું કે, તેમનું નિક નામ 'વીરૂ' છે. કોહલીએ ચેટ શો દરમિયાન જણાવ્યું હતું કે જ્યારે તે અંડર-17 ક્રિકેટ સાથે જોડાયેલા હતા, ત્યારે એમણે હેર કટ કરાવી હતી. જે બાદ તેમના કાન વધારે મોટા નજરે પડી રહ્યા હતા. હેર કટ બાદ તે સસલા જેવા દેખાઇ રહ્યા હતા. બસ પછી શું, સાથી ક્રિકેટરોએ વિરાટ કોહલીનું નામ 'ચીકૂ' રાખી દીધું. શોમાં કોહલીએ એ પણ જણાવ્યું કે મહેન્દ્ર સિંહ ધોનીએ વિકેટની પાછળ વારંવાર તેમને આ નામથી બોલાવી તેને વધુ પ્રખ્યાત બનાવી નાખ્યું.