ટેક્નોલોજી / હવે WhatsAppના કૉલ પણ કરી શકશો રેકોર્ડ, જાણી લો આ આસાન ટ્રીક 

• વૉટ્સઍપ કૉલ પણ રેકોર્ડ કરી શકશો
• આસાન ટ્રીકની મદદથી થઇ શકશે રેકોર્ડિંગ
• આઇફોનમાં પણ થઇ શકશે રેકોર્ડ 

કેટલીક વાર તમે વૉટ્સઍપ પર વાત કરી રહ્યાં હોવ અને સામેની વ્યક્તિ તમને મહત્વની વાત કહી રહી છે પરંતુ તેને નોટ કરવા માટે તમારી પાસે કાગળ અને પેન નથી તો આવી પરિસ્થિતિમાં તમે વૉટ્સઍપ કોલ રેકોર્ડ કરીને કામની વાત સેવ કરી શકો છો. 

વૉટ્સઍપ કોલને એન્ડ્રોઇડ અને આઇફોન બંનેમાં રેકોર્ડ કરવા માટે કેટલીક ડિવાઇઝની જરૂર હોય છે. મહત્વનું છે કે બીજા કોઇ વ્યક્તિની અનુમતિ સિવાય કોલ રેકોર્ડ કરવો અનૈતિક અને ગેરકાયદેસર છે. એવામાં તમે સામેના વ્યક્તિને જાણકારી આપો કે તમે તેનો કોલ રેકોર્ડ કરી રહ્યાં છો. 

કેવી રીતે કોલ કરશો રેકોર્ડ 

• સૌથી પહેલા તમારે ક્યુબ કોલ રેકોર્ડર ડાઉનલોડ કરવું પડશે. 
• ઍપ ઓપન કર્યા બાદ વૉટ્સઍપ પર જાઓ અને તે વ્યક્તિને ફોન કરો, જેની સાથે તમે વાત કરવા ઇચ્છો છો.
• આ દરમિયાન ક્યુબ કોલ વિજેટ દેખાઇ રહી છે તો મતલબ તમારો ફોન રેકોર્ડ થઇ રહ્યો છે. 
• જો તમારા ફોનમાં એરર શો કરી રહ્યું છે તો તમે ફરીથી ક્યુબ રેકોર્ડર ખોલો
• ત્યાં જઇને ઍપની સેટિંગમાં જઇને વોઇસ કોલમાં ફોર્સ વોઇપ પર ક્લિક કરો
• સમગ્ર પ્રોસેસ બાદ એક વાર ફરી વૉટ્સઍપ કોલ કરો
• જો હજુ પણ ક્યુબ કોલ રેકોર્ડર શો નથી કરી રહ્યું તો તેનો મતલબ છે કે આ સેવા તમારા ફોનમાં સપોર્ટ નહી કરે. 

આઇફોનમાં કેવી રીતે કરશો રેકોર્ડ 

• આઇફોન પર મેકની મદદથી કોલ રેકોર્ડ કરી શકો છો
• આઇફોનને લાઇટનિંગ કેબલની મદદથી મેક સાથે કનેક્ટ કરો
• જે બાદ આઇફોન પર ટ્રસ્ટ ધીસ કમ્પ્યુટર ઓપ્શન આવશે તેના પર ક્લિક કરો
• તેમાં તમને ફાઇલ સેક્શનમાં ન્યુ ઓડિયો રેકોર્ડિંગનો ઓપ્શન મળશે
• તેમાં તમારે રેકોર્ડ બટન નીચે એરોનું નિશાન બતાવશે
• જેના પર ક્લિક કરીને તમારે આઇફોન સિલેક્ટ કરવાનો રહેશે
• સમગ્ર પ્રોસેસ બાદ તમારે ક્વિકટાઇમમાં રેકોર્ડનું બટન દબાવીને રેકોર્ડિંગ શુરૂ કરવું પડશે.