ભારત સહિત વિશ્વભરમાં કોરોના વાયરસનો કહેર સતત વધી રહ્યો છે અને કોવિડ-19નો નવો વેરિએન્ટ ઓમિક્રોન ઝડપથી લોકોને પોતાની ઝપેટમાં લઇ રહ્યો છે. નવા વર્ષના સ્વાગત માટે ઉજવણીની તૈયારીમાં રહેલા લોકો પર કોરોના વાયરસનું સંકટ સૌથી વધારે છે.
વિશ્વભરમાં કોવિડ-19ના નવા વેરિએન્ટનો હાહાકાર
બ્રિટનની સરકારે એક એડવાઈઝરી જાહેર કરી
આ એડવાઈઝરીને અનુસરશો તો કોરોનાથી બચી જશો
આ દરમ્યાન બ્રિટનની સરકારે એક એડવાઈઝરી જાહેર કરી છે. જેને અનુસરવાથી મહામારીથી બચી શકાય છે.
થોડા સરળ પગલાં ઉઠાવી કોરોનાથી બચો
બહાર નિકળતી વખત ફેસ માસ્ક પહેરો
ફેસ માસ્ક પહેરવાથી કોરોના વાયરસ ફેલાવવાની સંભાવના ઓછી થઇ જાય છે અને જાહેર સ્થાનો પર જતા પહેલા માસ્ક પહેરવુ સૌથી જરૂરી છે. કોવિડ-19ના સંક્રમણથી બચવા માટે તમારે હંમેશા ફેસ માસ્ક પહેરીને જ બહાર નિકળવુ જોઈએ.
સોશિયલ ડિસ્ટન્સિંગનું પાલન કરો
ફેસ માસ્ક પહેરવાની સાથે સોશિયલ ડિસ્ટન્સિંગનું પાલન કરો અને ભીડભાડવાળી જગ્યા પર જવાનુ ટાળો. નવા વર્ષની ઉજવણીની વચ્ચે ભીડ વધવાના કારણે કોરોના સંક્રમણ વધવાનુ સંકટ છે અને તેનાથી બચવા માટે તમે જ્યાં જાઓ છો તેને લઇને સાવધાન રહો. જો શક્ય હોય તો આ દરમ્યાન ઘરે રહો.
સારી રીતે હાથ ધોવો
કોરોના વાયરસથી બચવા માટે તમે બહારથી ઘરે જાઓ ત્યારે સારી રીતે સાબુ અને પાણીથી હાથ ધોવો. જો પાણી નથી તો તમે આલ્કોહોલયુક્ત સેનિટાઈઝરથી હાથને સમયાંતરે સાફ કરી શકો છો. આ સાથે બહાર જતી વખતે પોતાના મોંઢા, આંખ અને નાકને સારી રીતે સાફ કરો.
શક્ય હોય તો ઘરેથી કામ કરો
મીડિયા રિપોર્ટસ મુજબ, નવા વર્ષની પૂર્વ સંધ્યાએ કોઈ પણ વ્યક્તિને કામ કરવાનુ પસંદ આવતુ નથી. પરંતુ કેટલાંક લોકોએ આ દરમ્યાન કામ કરવુ પડે છે. જેને લઇને બ્રિટીશ સરકારે લોકોને સલાહ આપી છે કે કાર્યાલયોમાં કામ કરનારા કર્મચારીઓ જે ઘરેથી કામ કરી શકે છે. તેમણે આવુ કરવુ જોઈએ.