રેસિપી / પનીરનું આ ટેસ્ટી, ચટાકેદાર અને ફટાફટ બની જતું શાક એકવાર બનાવશો તો, હોટલનો સ્વાદ ભૂલી જશો

સામગ્રી

100 ગ્રામ પનીર
2 ડુંગળી
10 કાજુ
5 કળી લસણ
1 ઈંચ આદુ
કોથમીર સમારેલી
2 ટામેટા
અડધી ચમચી ગરમ મસાલો
5 ચમચી તેલ
3 ચમચી દહીં

રીત

સૌથી પહેલાં પનીરના ક્યૂબમાં કટકા કરી પેનમાં 1 ચમચી તેલ મૂકી તેમાં પનીર નાખો અને તેના પર મરચું, મીઠું, હળદર નાખીને સાંતળી લો. પછી એક બીજી કડાઈ મૂકી તેમાં 4 ચમચી તેલ નાખો. પછી તેમાં 2 લીલી એલચી, 1 તમાલપત્ર, 2 લવિંગ, 3 મરી, 1 ચમચી જીરું, 2 લાલ આખા મરચાં નાખીને સાંતળી લો. પછી તેમાં ડુંગળી અને ટામેટાની પ્યૂરી, આદુની પેસ્ટ નાખી સાંતળી લો. તેલ છૂટું પડે એટલે તેમાં 1 ચમચી ચણાનો લોટ, દહીં, 1 ચમચી લાલ મરચું, 1 ચમચી ધાણાજીરું, અડધી ચમચી હળદર, મીઠું સ્વાદ પ્રમાણે, 1 ચમચી કસૂરી મેથી નાખીને બધું બરાબર મિક્સ કરી દો અને પછી તેમાં કાજુના કટકા નાખી દો. પછી તેમાં અડધો ગ્લાસ પાણી નાખી ઢાંકીને 5 મિનિટ થવા દો. પછી તેમાં પનીરના કટકા નાખી છેલ્લે ગરમ મસાલો અને કોથમીર નાખી દો. તૈયાર છે તમારે હોટલ જેવું ટેસ્ટી, ચટાકેદાર પનીરનું શાક.