Holi 2023 / તમને પણ છે હોળીના રંગોની એલર્જી? તો ફટાફટ ઘરે બેઠાં ઓછી મહેનતે આ રીતે તૈયાર કરો નેચરલ કલર

• બજારના રંગોથી એલર્જી છે? 
• આ રીતે ઘરે બનાવો નેચરલ કલર 
• જાણો બનાવવાની પ્રોસેસ 

રંગોનો તહેવાર હોળી નજીક આવી રહ્યો છે.  આ તહેવાર માટે સિન્થેટિક રંગ બજારમાં ઉપલબ્ધ હોય છે જે આપણી ત્વચા અને સ્વાસ્થ્ય માટે હાનિકારક છે. આ રંગો હાનિકારક કેમિકલથી તૈયાર કરવામાં આવે છે. નિષ્ણાંતોના જણાવ્યા અનુસાર હોળીના રંગોથી ત્વચાને થતા નુકસાનથી બચવા માટે આપણે પ્રાકૃતિક રંગોનો ઉપયોગ કરવો જોઈએ. તમે હોળીના રંગ ઘરે પણ બનાવી શકો છો. આવો જાણીએ તેને બનાવવાની રીત. 

લાલ રંગ 
લાલ રંગ બનાવવા માટે અમુક લાલ જાસુદના ફૂલ લો. તેને સુકવી તેનો પાઉડર બનાવી લો. તેના માટે તમે લાલ ચંદનનો પણ ઉપયોગ કરી શકો છો. પાઉડરનું પ્રમાણ વધારવા માટે ચોખાના લોટને મિક્ષ કરી શકાય છે. તેના ઉપરાંત તમે લાલ રંગ બનાવવા માંગો છો તો દાડમની છાલનો પણ ઉપયોગ કરી શકો છો. 

પીળો રંગ 
પીળો રંગ બનાવવા માટે હળદળ પાઉડર અને બેસનને મિક્ષ કરો. તેને મિક્ષ કરીને સુકુ ગુલાલ બનાવી લો. જો તમે ભીનો રંગ બનાવવા ઈચ્છો છો તો પીળા રંગના ગલગોટાના ફૂલ લો. તેને ક્રસ કરીને પાણીમાં ઉકાળીને ભીનો રંગ બનાવો. 

લીલો રંગ 
લીલો રંગ બનાવવા માટે મહેંદીનો ઉપયોગ કરો. જો તમને પલાળેલા રંગ જોઈએ છે તો પાણીમાં મહેંદી પાઉડર મિક્ષ કરો. લીલો રંગ બનાવવા માટે તમે પત્તાવાળા શકભાજીને પણીમાં ઉકાળીને પણ લીલો રંગ બનાવી શકો છો. 

મરૂન રંગ 
મજંટા રંગ બનાવવા માટે તમારે બીટની જરૂર પડશે. તેને કાપી તેને પાણીમાં આખી રાત ભરીને રાખો. તેના માટે તમે ડુંગળીનો ઉપયોગ પણ કરી શકો છો.