રેસિપી / રોજ ખાઈ લો આ બરફીનો એક ટુકડો, શરદી- ખાંસીથી મળશે ઝડપથી રાહત

• ઘરે બનાવી લો આ ખાસ બરફી
• શરદી ખાંસીમાં આપશે મોટી રાહત
• આદુની બરફી બનાવવાની સરળ રેસિપિ

સામગ્રી

• 200 ગ્રામ આદુ
• દોઢ કપ ખાંડ
• 2 ટેબલ સ્પૂન ઘી
• 2 ટેબલ સ્પૂન દૂધ
• 2 ટી સ્પૂન એલચી પાવડર

બનાવવાની રીત

સૌ પહેલા તો તમે આદુને કાપીને, છોલીને સારી રીતે સાફ કરી લો. હવે તેના નાના ટુકડા કરીને મિક્સપમાં ક્રશ કરો. આ સમયે તેમાં દૂધ મિક્સ કરી લો. હવે મિડિયમ ગેસ પર પેન રાખો અને તેમાં ઘી ગરમ કરો. આ પછી તેમાં આદુની પેસ્ટ મિક્સ કરી લો અને તેને 3-4 મિનિટ સુધી શેકો. હવે તેમાં ખાંડ મિક્સ કરી લો. તે ઓગળી જાય તો તેમાં એલચી પાવડરને મિક્સ કરી લો અને સાથે તેને થોડું બરફી જેવું થાય ત્યાં સુધી હલાવતા રહો. હવે એક પ્લેટમાં બટર પેપર લગાવીને સામાન્ય ચિકણું કરી લો. મિશ્રણને આ પ્લેટ પર ફેલાવી લો. તે ઠંડુ થાય ત્યારે તમે તમારા મનપસંદ આકારમાં તેને કાપી લો. આ પછી તેને 30 મિનિટ માટે રહેવા દો. તે સેટ થઈ જાય ત્યારે તેને ડબ્બામાં ભરીને રોજ એક ટુકડો ખાઈ લો.