જ્યારે આપણા શરીરમાં કોલેસ્ટ્રોલનું પ્રમાણ વધે ત્યારે આપણેને હૃદય સંબંધિત પરેશાનીઓ વધવા લાગે છે. આથી આપણે એવી વસ્તુઓ ખાવી જોઇએ કે જેનાથી શરીર સ્વસ્થ રહે. ત્યારે એક જાણીતા ડાયટિશિયને જણાવ્યું કે જો આપણે જો અમુક હેલ્ધી ડ્રિંક્સનું સેવન કરીએ કોલેસ્ટ્રોલ ઘટાડવુ શક્ય બનશે.
કોલેસ્ટ્રોલનું લેવલ ઓછું કરવા માટે કુદરતી પીણાં
1. ટામેટાંનો રસ
ટામેટાનો ઉપયોગ લગભગ દરેક ઘરમાં થાય છે, પરંતુ શું તમે જાણો છો કે તેના દ્વારા લોહીમાં હાજર ખરાબ કોલેસ્ટ્રોલને ઘટાડી શકાય છે. વાસ્તવમાં, ટામેટાંમાં લાઇકોપીન નામનું કમ્પાઉન્ડ જોવા મળે છે, જે લિપિડના સ્તરમાં સુધારો કરીને ફાયદો કરે છે, તેથી ટામેટાંનો રસ દરરોજ પીવો જોઈએ.
2. કોકો ડ્રિંક્સ
જો તમે ડાર્ક ચોકલેટ ખાધી હશે તો કોકોનું નામ તો સાંભળ્યું જ હશે. તેમાં ફ્લેવેનોલ નામનું એન્ટીઓક્સીડેન્ટ હોય છે જે કોલેસ્ટ્રોલ લેવલને જાળવવામાં મદદ કરે છે, સાથે જ કોકો ડ્રિંક્સમાં હાજર મોનો-સેચ્યુરેટેડ ફેટી એસિડ પણ શરીરને ફાયદો પહોંચાડવાનું કામ કરે છે.
3. ઓટ્સ ડ્રિંક
ઓટ્સ હંમેશા સ્વાસ્થ્ય માટે ફાયદાકારક માનવામાં આવે છે. તેમાં બીટા ગ્લુકેન્સ હોય છે જે પેટમાં જેલ જેવો પદાર્થ બનાવે છે. જેનાથી કોલેસ્ટ્રોલ શોષણ દર ઘટાડે છે અને આ રીતે તમારા શરીર પર સારા પરિણામો જોવા મળે છે.
4. ગ્રીન ટી
ગ્રીન ટીને વજન ઘટાડવા માટે અસરકારક ઉપાય માનવામાં આવે છે, તેમાં હાજર કેટેચીન્સ અને અન્ય એન્ટીઓક્સીડેન્ટ ખરાબ કોલેસ્ટ્રોલને ઘટાડે છે, જે હાઈ બીપી, હાર્ટ એટેક અને ડાયાબિટીસનું જોખમ ઘટાડે છે.