ઘણા લોકો માને છે કે ફિટ રહેવા માટે ખાવાનું સદંતર બંધ કરી દેવું. પરંતુ મોટાભાગે લોકો 3 વાર ખાવાનું પસંદ કરે છે. બ્રેકફાસ્ટ, લંચ અને ડિનર. કેટલાક લોકો એવા હોય છે જે દિવસમાં 4-5 વાર થોડું થોડું ખાવાનું પસંદ કરે છે. જ્યારે કેટલાકનું માનવું છે કે દિવસમાં 3 વાર ખાવાથી હેલ્થ સારી રહે છે. સાચી વાત તો એ છે કે દિવસમાં 5 કે 6 વાર ખાવાથી શરીર હેલ્ધી રહે છે.
ફિટનેસ માટે અપનાવો આ રીત
વારેઘડીએ થોડું થોડું ખાવાનું ખાવું જરૂરી
3 વાર હેવી ખાવાનું લેવાના બદલે લાઈટફૂડ ખાઓ
સ્નેકિંગની આદત પણ રાખો
વારેઘડી ખાવાનું ખાવું એટલે કે સ્નેકિંગ કરવું. આજના કેલેરી કોન્શિયસ જમાનામાં તે યોગ્ય નથી. વારેઘડી ખાવાનું ખાવાથી વ્યક્તિ જંક ફૂડની તરફ વધારે આર્કષાય છે. વારેઘડી ખાવું એ ખોટું નથી.પણ ધ્યાન રાખો કે તમે જે સ્નેક્સ ખાઈ રહ્યા છો તે હેલ્ધી હોય. શરીરને 2થી 3 કલાકમાં ખાવાનું આપવું જરૂરી છે. માટે વચ્ચે વચ્ચે કંઈ ખાતા રહો.
દિવસમાં કેટલી વાર ખાવું
જો તમે એક જ સમયે ઘણું બધું ખાઈ લો છો તો તે આદત બદલી દો. અનેક વાર પણ થોડું થોડું ખાઓ. તેનાથી શરીરમાં ફેટ ઝડપથી બર્ન થશે. સાથે જ મેટાબોલિઝમ પાવર પણ સ્ટ્રોન્ગ બનશે. થોડું થોડું ખાવાથી બ્લડ શુગર લેવલ સારું રહે છે, એનર્જી પણ મળી રહે છે. વજન ઓછું કરવા ઈચ્છો છો તો તમે 3 વાર હેવી ખાવાનું ખાવાને બદલે ગેપ રાખીને ખાવાનું ખાઓ.
આ રીતે ખાઓ ખાવાનું
ખાવાનાને એક સાથે ન ખાતા તેના ટુકડા કરીને ધીમે ધીમે ખાઓ.
ખાવાનું ત્યાં સુધી ચાવો જ્યાં સુધી તે મોઢામાં સંપૂર્ણ રીતે મિક્સ ન થાય.
આ ચીજો ખાઈ શકો છો
પોપકોર્ન
તેમાં ભરપૂર પૌષ્ટિક તત્વો હોય છે. તે સારું ડાયટ છે. વેટ લોસ માટે પણ તેને ખાઈ શકાય છે. પોપકોર્નમાં હાઈ ફાઈબર અને લો કેલેરી હોય છે. તેમાં સોડિયમ અને શુગરનું પ્રમાણ નહીંવત હોય છે. ભૂખ મટાડવાની સાથે તે તમને અનેક હેલ્ધી તત્વો પણ આપે છે.
ફ્રૂટ સ્મૂધી
આ હેલ્ધી સ્નેક્સ ચોઈસ છે. આ ફ્રૂટ્સનું સ્મૂધી બનાવી લો. સ્મૂધીમાં તમે તમારી પસંદના ફ્રૂટ્સ મિક્સ કરી શકો છો. તેને માટે તમે ફૂલ ક્રીમ દૂધને બદલે ટોન્ડ કે સ્કિમ્ડ મિલ્કનો ઉપયોગ કરો.
સ્કીમ્ડ દૂધનો આઈસક્રીમ
આઈસક્રીમ રોજ ન ખાઈ શકાય પણ જો તમે તેને ઘરે બનાવો છો તો તેમાં ફેટ અને શુગર બંનેનું પ્રમાણ કંટ્રોલ કરી શકાય છે. સ્કીમ્ડ દૂધનો ઉપયોગ કરીને તેમાં ગોળ મિક્સ કરો. આ લો ફેટ ડિશને તમે અઠવાડિયામાં 2 વાર ખાઈ શકો છો.
ફાઈબરવાળા કુકીઝ
કુકીઝ તમારા રેગ્યુલર સ્નેક્સ નથી, ફેટ વિનાના કુકીઝ સ્વાદિષ્ટ લાગતા નથી. જો તમે તેને ખાવા ઈચ્છો છો તો તમે મેરી બિસ્કિટ કે આરારોટ બિસ્કિટ પણ લઈ શકાય છે. તેમાં ફાઈબરનું પ્રમાણ વધારે હોય છે.