તમારા કામનું / શરીરને ફીટ રાખવા ઉંમરનાં આધારે દરરોજ કેટલા સ્ટેપ્સ ચાલવું જોઈએ? સ્ટડીમાં આપવામાં આવ્યો સ્વસ્થ રહેવાનો જીવનમંત્ર

• દરરોજ વોકિંગ કરવાથી શરીર રહે છે સ્વસ્થ
• ઉંમરનાં આધારે ડેઈલી સ્ટેપ્સ ચાલવું હિતકારી
• યંગ લોકોએ દરરોજનાં 8000 સ્ટેપ્સ ચાલવા જોઈએ

પગે ચાલવું એ શરીર માટેની બેસ્ટ અને સૌથી સરળ કસરત છે. વૉક કરવાનાં અનેક ફાયદાઓ હોય છે તેથી તમે જોયું હશે કે ઘણાં યંગ-ઓલ્ડ લોકો સવારે-સાંજે વોકિંગ કરવાનું પસંદ કરે છે. પરંતુ શું તમને ખબર છે કે શારીરિક સ્વસ્થતા માટે ઉંમરનાં હિસાબે તમારે દરરોજ કેટલા પગલાં ચાલવું જોઈએ?

ઉંમરનાં આધારે DAILY STEPS

• ફિઝિકલ એક્ટિવિટી ગાઈડલાઈન્સ ફોર અમેરિકા અનુસાર ઉંમરનાં આધારે દરેક વ્યક્તિએ પોતાના સ્ટેપ્સનું ધ્યાનમાં રાખવું જોઈએ. UNC.edu માં પબ્લિશ થયેલી સ્ટડી અનુસાર 59 વર્ષ કે તેનાથી ઓછી ઉંમરનાં લોકોએ દરરોજ 8000-10000 પગલાઓ ચાલવા જોઈએ.
• 18 વર્ષ કે તેથી વધુ ઉંમરનાં લોકોએ પ્રતિ સપ્તાહ 150થી 300 મિનિટની મીડિયમ ઈંટેંસિટીવાળી કસરત કરવી જોઈએ. અથવા 75થી 150 મિનિટની હાઈ ઈંટેંસિટીવાળી એક્સરસાઈઝ કરવી જોઈએ.
• 60 વર્ષ કે તેથી વધુની ઉંમરનાં વયસ્કોએ દરરોજ 6000થી 8000 પગલાઓ ચાલવાથી શારીરિક સ્વસ્થતા જળવાઈ રહે છે. ઉંમર વધવાની સાથે-સાથે બીમારીઓ પણ શરીરથી દૂર રહે છે.

સ્વસ્થ જીવન જીવવું
ઘણીવખત કેટલાક લોકો ઘણું ઓછું ચાલે છે જેના લીધે ફિઝિકલ એક્ટિવિટી ઓછી થઈ જાય છે અને આવનારાં સમયમાં અનેક બીમારીઓને તમારું શરીર આમંત્રણ આપી શકે છે. વોકિંગથી વજન તો ઓછું થાય જ છે પણ સાથે માઈન્ડ પણ રિલેક્સ રહે છે. ફિઝિકલી એક્ટિવ  રહેવાથી બ્લડ સર્ક્યુલેશન પણ સારું રહે છે જેથી ઈમ્યુનિટી પણ સ્ટ્રોંગ થાય છે.જો તમે ઉપર જણાવેલ ડેઈલી સ્ટેપ્સથી વધુ ચાલો છો તો નિશ્ચિત ધોરણે તમે સ્વસ્થ જીવન જીવી રહ્યાં છો અને બીમાર થવાનો ખતરો પણ ટળી જાય છે.