કાર્યવાહિ / સત્યેંન્દ્ર જૈનનો તિહાર જેલનો વીડિયો કેવી રીતે લીક થયો? કોર્ટે ઈડીને મોકલી નોટીસ

• સત્યેન્દ્ર જૈનનો વિડિયો વાયરલ થયા બાદ કોર્ટે ED ને પાઠવી નોટિસ
• વિશેષ અદાલતના ન્યાયાધીશ વિકાસ ધુલેએ EDને નોટિસ પાઠવી
• કેસની સુનાવણી માટે 21 નવેમ્બરની તારીખ નક્કી કરી

દિલ્હીની તિહાર જેલમાંથી કેબિનેટ મંત્રી સત્યેન્દ્ર જૈનનો વીડિયો વાયરલ થયા બાદ કોર્ટે EDને નોટિસ પાઠવી છે. જેમાં વીડિયો લીક થવા અંગે જવાબ માંગવામાં આવ્યો છે. વીડિયો લીક થયા બાદ સત્યેન્દ્ર જૈનની કાનૂની ટીમ એન્ફોર્સમેન્ટ ડિરેક્ટરો સામે કાર્યવાહીની માંગ સાથે વિશેષ કોર્ટમાં પહોંચી હતી. જૈનની લીગલ ટીમનો આરોપ છે કે કોર્ટમાં એફિડેવિટ આપવામાં આવી હોવા છતાં EDએ સીસીટીવી વીડિયો લીક કર્યો છે. હવે સ્પેશિયલ કોર્ટના જજ વિકાસ ધૂલે આ અંગે EDને નોટિસ પાઠવી છે અને કેસની સુનાવણી માટે 21 નવેમ્બરની તારીખ નક્કી કરી છે.

ખરેખર, તિહાર જેલના CCTV ફૂટેજ સોશિયલ મીડિયા પર વાયરલ થયા છે. જેમાં સત્યેન્દ્ર જૈન પલંગ પર સૂઈને કોઈ દસ્તાવેજ જોઈ રહ્યા છે. આ દરમિયાન એક વ્યક્તિ તેના પગની માલિશ કરી રહ્યા છે. સત્યેન્દ્ર જૈન તેના પગને તેના પર મૂકીને માલિશ કરી રહ્યા છે. હવે વિપક્ષ આને લઈને આમ આદમી પાર્ટી પર સતત નિશાન સાધી રહ્યું છે.

#WATCH जेल में बंद दिल्ली सरकार में मंत्री सत्येंद्र जैन की तिहाड़ जेल में मसाज करवाते हुए CCTV वीडियो सामने आई है। pic.twitter.com/X6qSAo45eU

— ANI_HindiNews (@AHindinews) November 19, 2022

30 મે ના રોજ મની લોન્ડરિંગ કેસમાં થયેલી છે ધરપકડ
જણાવી દઈએ કે ઈડીએ 30 મેના રોજ મની લોન્ડરિંગના આરોપમાં સત્યેન્દ્ર જૈનની ધરપકડ કરી હતી. અગાઉ એપ્રિલમાં, ઇડીએ પ્રિવેન્શન ઓફ મની લોન્ડરિંગ એક્ટ, 2002 હેઠળ જૈનના પરિવાર અને કંપનીઓની રૂ. 4.81 કરોડની સ્થાવર મિલકતો જપ્ત કરી હતી. જૈન પર આરોપ છે કે તેણે દિલ્હીમાં અનેક શેલ કંપનીઓ બનાવી હતી અને કોલકાતા સ્થિત ત્રણ હવાલા ઓપરેટરોની 54 શેલ કંપનીઓ દ્વારા 16.39 કરોડ રૂપિયાનું કાળું નાણું પણ લોન્ડર કર્યું હતું. ત્યારથી તે તિહાર જેલમાં બંધ છે.

જેલમાં આપવામાં આવી રહી છે વિશેષ સુવિધાઓ
 EDએ આ અંગે કોર્ટમાં ફરિયાદ પણ કરી હતી. જેમાં કહેવામાં આવ્યું હતું કે સત્યેન્દ્ર જૈન જેલના નિયમોનું ઉલ્લંઘન કરી રહ્યો છે. જૈનની લક્ઝરીના તમામ સીસીટીવી ફૂટેજ પણ કોર્ટને સોંપવામાં આવ્યા હતા. EDએ પોતાની ફરિયાદમાં કહ્યું હતું કે સત્યેન્દ્ર જૈનને તિહાર જેલમાં હેડ મસાજ, પગની મસાજ અને પીઠની મસાજ જેવી તમામ સુવિધાઓ આપવામાં આવી રહી છે. પરંતુ આમ આદમી પાર્ટી તેને નકારી રહી છે. આવી સ્થિતિમાં સીસીટીવી ફૂટેજ લીક થયા બાદ આમ આદમી પાર્ટી બેકફૂટ પર છે.