હિટ એન્ડ રન / સુરતમાં બાઈક પરથી પડી ગયેલી બેગ લેવા ગયેલી મહિલાને મળ્યું મોત, આવી રીતે બની દુર્ઘટના

• સુરતના પાંડેસરમાં હિટ એન્ડ રન
• બાઇક પરથી બેગ પડતા લેવા ગઇ મહિલા
• બેગ લેવા જતાં મળ્યું મહિલાને મોત

સુરતના પાંડેસરા વિસ્તારમાં હિટ એન્ડ રનની ઘટના સામે આવી છે. સુરતના એક દંપતી બાઈક લઈ જઇ રહ્યું હતું ત્યાં  બેગ પડી જતાં મહિલા રોડ પર લેવા જઇ રહી હતી તે દરમિયાન પૂરપાટ ઝડપે આવતી કારે મહિલાને ટક્કર મારી હતી, કાર ચાલક મહિલાને અડફેટે લઈ ફરાર થઈ ગયો હતો. 

મુંબઇ ફરવા જતાં હતા દંપતી
મુંબઇ ફરવા જવાનું હોવાથી પતિ અને પત્ની સવારે ઘરેથી બાઈક લઈ નીકળ્યા હતા જ્યાંથી ટ્રેન મારફતે મુંબઇ જવાના હતા. ટ્રેન પકડવા માટે બંને જણા પાંડેસરાથી પોતાના ઘરેથી બાઇક પર નીકળ્યા હતા. રસ્તામાં કપડાની બેગ બાઇક ઉપરથી પડી જતાં મહિલા બેગ લેવા નીચે ઉતરી તે જ સમયે પૂરપાટ આવતી કારે મહિલાને અડફેટે લીધી હતી. મહિલા ફંગોળાઇને તે જ જગ્યાએ જમીન ઉપર પડી હતી. તાત્કાલિક મહિલાને સારવાર માટે લઇ જવાતા તેને મૃત ઘોષિત કરવામાં આવી હતી. મુંબઇ ફરવા જવાની ખુશી માતમમાં ફેરવાઇ ગઇ હતી.

સમગ્ર ઘટનાએ લોકોને ચેતવી રહી છે જે લોકો હાઈવે પર પડેલી વધુને લેવાની લાયમાં અથવા પડી ગયેલી વસ્તુ સાધનની અડફેટે ન આવે તેથી લેવાની ઉતાવળમાં ઝડપથી આવી રહેલા વાહનોની પણ પરવાહ કરતાં નથી તો તો બીજી તરફ પાંડેસરા પોલીસે અસ્કમાત મામલે સ્થળ પર જઈ વધુ તપાસ હાથ ધરી છે તેમજ કાર ચાલક અકસ્માત સર્જી નૈતિકતાના ધોરણે ઊભો ન રહેતા હિટ એન્ડ રનનો ગુનો નોંધાયો છે.