ભારે વરસાદના કારણે જામનગરના લતીપુરા પાસે આવેલા આજી-3 ડેમ ઓવર ફ્લો થવા પામ્યો છે. જેને લઈને સમગ્ર જામનગરમાં શહેરમાં NDRF-SDRF સ્ટેડન ટુ રાખવામાં આવ્યા છે
જામનગરમાં હજુ 4 દિવસ સારા વરસાદની આગાહી
જામનગર જિલ્લામાં સાર્વત્રિક વરસાદ
આજી-3 ડેમ ઑવરફ્લો થતાં NDRF-SDRF સ્ટેડન ટુ
જામનગરના લતીપુર પાસેનો આજી-3 ડેમ ઓવરફ્લો
જામનગરમાં ભારે વરસાદની આગાહી વચ્ચે લતીપુરા પાસે આવેલા આજી-3 ડેમ ઓવર ફ્લો થવા પામ્યો છે. ડેમ ઓવરફ્લો થતાં લતીપુર અને આસપાસના ગ્રામજનોએ નવાનીરની પરંપરાગત પૂજા-અર્ચના કરી વધામણા કર્યા હતાં તો બીજી તરફ જામનગરમાં આગામી 4 દિવસો સુધી ભારે વરસાદની આગાહી કરતાં તંત્ર દ્વારા રેડ એલર્ટ જાહેર કરવામાં આવ્યું છે. તેમજ નીચાણવાળા વિસ્તારો-આશ્રય સ્થાનોની યાદી તૈયાર કરાઈ છે. તો આ તરફ જામનગર ખાતે NDRF અને SDRFની ટુકડી સ્ટેન્ડ ટુ રખાઈ છે.અને લોકોને નદી,જળાશયો પાસે લોકોને અવરજવર ન કરવા તંત્ર દ્વારા અપીલ કરવામાં આવી છે.
જામનગર જિલ્લામાં સાર્વત્રિક વરસાદ
રાજ્યના હવામાન વિભાગ દ્વારા આગામી 4 દિવસો સુઘી જામનગર સહિત સમગ્ર સૌરાષ્ટ્રમાં ભારે વરસાદની આગાહી કરાવમાં આવી છે.તેની વચ્ચે છેલ્લા 24 કલાકમાં જામનગર શહેર સહિત જિલ્લામાં સાર્વત્રિક વરસાદ વરસ્યો છે. જેમાં સૌથી વધુ જોડીયા તાલુકામાં 5 ઈંચ વરસાદ વરસ્યો છે. જ્યારે ધ્રોલ તાલુકામાં સાડા 4 ઈંચ અને કાલાવાડમાં 2 ઈંચ જામનગર શહેરમાં સાડા ત્રણ ઈંચ વરસાદ વરસ્યો
એસ્ટેટ વિભાગની કચેરીમાં ભરાયા પાણી મનપાના જ કર્મીઓને પડી મુશ્કેલી
ઉલ્લેખનીય છે કે, જામનગરમાં સતત પડી રહેલા વરસાદના કારણે તંત્રની પ્રિ-મોન્સૂનની કામગીરીની પોલી ખુલી ગઈ હતી. જામનગર શહેર સહિત આસ-પાસના વિસ્તારોમાં ઠેર ઠેર પાણી ભરાયા હતાં. તેમજ જામનગરના એસ્ટેટ વિભાગની કચેરીમાં પણ પાણી ભરાયા છે. જેને લઈને મનપાના કર્મીઓને જ ભારે મુશ્કેલી પડી રહી છે.આ સાથે જામનગરના જોડિયામાં ધોધમાર વરસાદથી અનેક વિસ્તારોમાં ઘુંટણસમા પાણી ભરાયા છે. છે.