હવામાન વિભાગ / ઉત્તરાખંડમાં હવામાન વિભાગનું એલર્ટઃ આગામી 48 કલાક ભારે હિમવર્ષાની આગાહી

• આગામી 48 કલાકમાં ઉત્તરાખંડમાં ભારે હિમવર્ષાની આગાહી
• હવામાન વિભાગ દ્વારા એલર્ટ જાહેર કરવામાં આવ્યું
• 13-14 ડિસેમ્બરના રોજ કોલ્ડવેવની આગાહી

હવામાન વિભાગ તરફથી જાહેર કરવામાં આવેલ માહિતી અનુસાર પ્રદેશમાં મૌસમ ખરાબ રહેવાની શરૂઆત આજથી શરૂ થઇ જશે. રાજ્યના અનેક વિસ્તારોમાં વાદળછાયું વાતાવરણ જોવા મળશે. જ્યારે ઉત્તરકાશી, ચમોલી, રૂદ્રપ્રયાગ અને પિથૌરાગઢના કેટલાક ટોચવાળા વિસ્તારોમાં મધ્યમ વરસાદ તેમજ બરફવર્ષા થઇ શકે છે. જ્યારે રાજ્યના 2500 મીટરથી વધુ ઉંચાઇ પરના સ્થાનો પર વરસાદની સંભાવના છે.

12 અને 13મીએ ઘણા વિસ્તારોમાં બરફના કરા પડવાનું અનુમાન 

જ્યારે 12 અને 13 ડિસેમ્બરના રોજ ઉત્તરકાશી, ચમોલી, રુદ્રપ્રયાગ, બાગેશ્વર અને પિથૌરાગઢના સૌથી વધારે 2500 મીટરથી વધારે ઉંચાઇવાળા સ્થાનો પર ભારે વરસાદ સાથે બરફવર્ષા થવાની શક્યતા છે. 
 
જ્યારે અન્ય વિસ્તારોમાં 12 અને 13 ડિસેમ્બરના રોજ અનેક વિસ્તારોમાં બરફના કરા પડવાનું અનુમાન છે. હવામાન વિભાગ દ્વારા જાહેર કરાયેલ એડવાઇઝરી મુજબ કોલ્ડ દિવસ દરમિયાન લોકો સાવચેતી જાળવવા અપીલ કરવામાં આવી છે.

શું હોય છે કોલ્ડ દિવસની પરિસ્થિતિ
કોઇપણ વિસ્તારમાં સામાન્ય કરતા વધુ તાપમાનમાં 6 ડિગ્રી સુધી પારો ગગડવાની સ્થિતિને કોલ્ડ દિવસની પરિસ્થિતિ કહેવામાં આવે છે. આ સમયગાળામાં ઓછામાં ઓછુ તાપમાન 10 ડિગ્રીથી ઓછુ હોવુ જોઇએ. રાજ્યમાં ઘણાબધા વિસ્તારોમાં આ દિવસોમાં ન્યૂયત્તમ તાપમાન 10 ડિગ્રીથી પણ ઓછુ જોવા મળી રહ્યું છે.