હવામાન વિભાગ / પહાડોમાં ભારે હિમવર્ષા વચ્ચે દિલ્હી-NCR માં રિમઝિમ વરસાદ, તાપમાનનો પારો ગગડયો

• દિલ્હીમાં ગુરૂવારે જોવા મળી રિમઝીમ વરસાદ
• દિલ્લીમાં ખરાબ વાતાવરણના કારણે વિમાની સેવાને અસર
• ભારે પવન સાથે અનેક વિસ્તારોમાં કરા પડતા ઠંડી વધી

ઉત્તરભારતના પહાડી વિસ્તારોમાં ભારે હિમવર્ષા જોવા મળી રહી છે. હિમાચલ પ્રદેશમાં ભારે હિમવર્ષાના પગલે રોહતાંગમાં અઢી ફૂટ  બરફના થર જામેલા જોવા મળી રહ્યાં છે. 

જ્યારે દિલ્હીમાં ખરાબ વાતાવરણના કારણે વિમાની સેવાને અસર પહોંચી છે. દિલ્હીના વાતાવરણની વાત કરીએ તો ક્યાંક ભારે પવન સાથે અનેક વિસ્તારોમાં કરા પડતા ઠંડીમાં વધારો થયો છે. દિલ્હી એરપોર્ટ પર આવતા વિમાનોને જયપુર ડાયવર્ટ કરાયાં. જ્યારે અન્ય ત્રણ વિમાનોની દિલ્હી એરપોર્ટ પરથી ઉડાન રદ્દ કરાઇ. 

દિલ્હીમાં હવામાન વિભાગની આગાહી મુજબ આગામી 24 કલાકમાં તેજ પવન સાથે વરસાદ તેમજ કરા પડવાની આગાહી છે. જેના ઠંડી વધવાના અણસાર છે. 

ઉત્તરાખંડમાં ગુરૂવારે સીઝનની સૌથી વધુ હિમવર્ષા જોવા મળી. જેના કારણે રાજ્ય શીતલહેરની ચપેટમાં જોવા મળ્યું. જેને લઇને કેદારનાથ અને બદ્રીનાથ મંદિર સહિત અનેક વિસ્તારોમાં બરફની ચાદર જોવા મળી છે.