આગાહી / સાચવજો :ગુજરાત પર 24 કલાક સંકટના વાદળ, આ જિલ્લાઓમાં પડી શકે છે ભારે વરસાદ

• આગામી 24 કલાકમાં ગુજરાતમાં ભારે વરસાદની આગાહી 
• દક્ષિણ ગુજરાત અને સૌરાષ્ટ્રમાં લો પ્રેશર સર્જાયું 
• ગુલાબ વાવાઝોડાને કારણે ગુજરાતમાં પડશે ભારે વરસાદ 

ગુજરાતમાં ગુલાબ વાવાજોડાને કારણે શાહિન વાવાઝોડું સક્રિય થયું છે. જેની અસરથી અત્યારથી જોવા મળી રહી છે. આગામી 24 કલાકમાં ગુજરાતમાં ભારે વરસાદની આગાહી કરવામાં આવી છે. આ આગાહી ગુલાબ વાવાઝોડાને અનુલક્ષીનેજ કરવામાં આવી છે. જેમા ગુજરાતના અમુક વિસ્તારોમાં ભારે વરસાદ થઈ શકે છે. 

દક્ષિણ ગુજરાત અને સૌરાષ્ટ્રમાં ભારે વરસાદ 

આપને જણાવી દીએ કે મઘ્ય ગુજરાત, દક્ષિણ ગુજરાત અને સૌરાષ્ટ્રમાં ભારે વરસાદ પડી શકે  છે તેવી હવામાન વિભાગ દ્વારા આગાહી કરવામાં આવી છે. કારણકે દક્ષિણ ગુજરાત અને સૌરાષ્ટ્ર પર લો પ્રેશર સર્જાયું છે જેથી ત્યા ભારે વરસાદની શક્યતા વર્તાઈ રહી છે. 

48 કલાકમાં વાવઝોડું સક્રિય થાય તેવી શક્યતા 

લો પ્રેશરની સ્થિતીને કારણે 24 કલાકમાં આ સિસ્ટમ ઉત્તર અરબ સાગરને મળશે. જેથી રાજ્યમાં ભારે વરસાદ રહેશે. પરંતું મહત્વની વાત એ છે કે આ પ્રક્રિયા 48 કલાકમાં વાવાઝોડામાં ફેરવાય તેવી શક્યતા વર્તાઈ રહી છે. જેથી ગુજરાતના માથે હાલ સંકટના વાદળો ફેલાયેલા છે. 

50 થી 60 કિમીની ઝડપે પવન ફૂંકાશે 

જોકે ભારે વરસાદ સિવાય ગુજરાત પર વાવાઝોડાનો કોઈ ખતરો નથી,. પરંતુ પશ્ચિમના દરિયા કિનારે 50 થી 60 કિમીની ઝડપે પવન ફૂંકાઈ શકે છે. જેના કારણે 4 દિવસ સુધી ગુજરાકના દરિયામાં માછીમારોને ન જવા માટે સૂંચના આપવામાં આવી છે. 

અમદાવાદમાં સામાન્ય વરસાદ રહેશે 

ઉલ્લેખનીય છે કે ગુજરાતના તમામ પોર્ટ પર 3 નંબરનું સિગ્નલ લગાવામાં આવ્યું છે. ખાસ કરીને ભરૂચ, આણંદ, ભાવનગર, અમરેલીમાં ભારે વરસાદ પડી શકે છે. સાથેજ સૌરાષ્ટ્ર અને કચ્છમાં પણ ભારે વરસાદ થવાની શક્યતા છે ઉપરાંત દક્ષિણ ગુજરાતમાં પણ બારે વરસાદ પડી શકે છે. જોકે ઉત્તર ગુજરાતમાં મધ્યમ વરસાદ થવાની શક્યતા છે. જ્યારે અમદાવાદ શહેરમાં સામાન્ય વરસાદ રહી શકે છે.