દેશભરમાં વરસાદનો કહેર યથાવત બીકાનેરના હાલ થયા વધુ બેહાલ

દેશના 11 રાજ્યોમાં દક્ષિણ-પશ્ચિમ  મોનસૂન સક્રિય થઈ ગયુ છે. મહારાષ્ટ્ર ગુજરાત આંધ્ર પ્રદેશ ઉત્તરાખંડ મધ્ય પ્રદેશ રાજસ્તાન દિલ્હી પંજાબ-હરિયાણા બિહાર અસમ ઝારખંડ જમ્મુ-કાશ્મીર ઉત્તર પ્રદેશ સહિત સમગ્ર ભારતમાં છેલ્લા 24 કલાક દરમ્યાન ભારે વરસાદ થયો છે. 

રાજસ્થાનના બીકાનેરમાં ભારે વરસાદના કારણે જનજીવન અસ્તવ્યસ્ત થઈ ગયુ છે. લોકોને ઘણી પરેશાનીનો સામનો કરવો પડી રહ્યો છે. જ્યાં બાળકોને સ્કૂલ આવવા-જવામાં પરેશાની થઈ રહી છે. ત્યારે રસ્તાઓ પર ટ્રાફિકની સમસ્યા યથાવત છે. ભારે વરસાદના કારણે કેટલાક વિસ્તારોમાં પાણી ભરાવવાની સ્થિતિ પેદા થઈ છે. 

દેશના અડધાથી વધારે ક્ષેત્રફળના પ્રતિનિધિત્વવાળા આ રાજ્યોમાં વરસાદ પોતાનું રૌદ્ર રૂપ દેખાડી રહ્યો છે. સતત પડી રહેલા ભારે વરસાદના કારણે ઉત્તરાખંડ ઉત્તરપ્રદેશ અને બિહારમાં ગંગા ઘાઘરા કોસી સરયૂ ગંડક અને શારદા નદિઓ બંન્ને કાંઠે વહી રહી છે.ઘણી જગ્યાએ નદીઓ જોખમના નિશાન પર પણ પહોંચી ગઈ છે.

દિલ્હી પંજાબ હરિયાણાં પૂર્વ ઉત્તર પ્રદેશ ઝારખંડ હિમાચલ પ્રદેશ જમ્મુ-કાશ્મીર મધ્ય પ્રદેશ દક્ષિણ કોંકણ અને ગોવા તમિલનાડુ તટીય અને દક્ષિણ સુદૂર કર્ણાટક તેમજ કેરળમાં આવનારા 24 કલાકમાં ભારે વરસાદનુ અનુમાન છે.

ભારે વરસાદના કારણે રાજસ્થાનના બિકાનેર રેલવે સ્ટેશન પર ભીષણ પાણી ભરાવો થઈ ગયો. રેલવે સ્ટેશન પર પાણી ભરાયેલા હોવાને કારણે ટ્રેનના આવાગમનમાં ભારે મુશ્કેલી થઈ રહી છે. જેનાથી યાત્રીકોને ઘણી મુશ્કેલીનો સામનો કરવો પડી રહ્યો છે.