અરબી સમુદ્રમાં સર્જાયેલા હવાના હળવા દબાણને લઇને રાજ્યમાં ફરી વરસાદી સિસ્ટમ સક્રિય થઇ રહી છે. જેને લઇને સૌરાષ્ટ્રમાં ભારે વરસાદની આગાહી કરવામાં આવી છે. જો કે આ હવાનું હળવું દબાણ ઓમાન ફંટાય તેવી શક્યતા છે.
અરબી સમુદ્રમાં સર્જાયુ હવાનુ હળવુ દબાણ, ઓમાન તરફ ફંટાશે વાવાઝોડુ
સૌરાષ્ટ્રમાં ભારે વરસાદની હવામાન વિભાગની આગાહી
અમદાવાદમા 27 અને 28 સપ્ટેમ્બરે ભારે વરસાદની આગાહી
રાજ્યમાં ફરી વરસાદની આગાહી
રાજ્યમાં ફરી વરસાદી સિસ્ટમ સક્રિય થઇ રહી છે. જેને લઇને કેટલાક જિલ્લાઓમાં ભારે વરસાદની આગાહી કરવામાં આવી છે. જ્યારે સૌરાષ્ટ્રમાં બારે વરસાદની હવામાન વિભાગે આગાહી કરી છે. જ્યારે અમદાવાદમાં 27 અને 28 સપ્ટેમ્બરે ભારે વરસાદ પડે તેવી શક્યતા હોવાનું જણાવ્યું છે.
અરબી સમુદ્રમાં સર્જાયું હવાનું હળવું દબાણ ઓમાન ફંટાય તેવી શક્યતા
અરબ સાગરમાં હવાનું હળવું દબાણ સર્જાયું છે. જો કે હવામાન વિભાગના જણાવ્યા અનુસાર ગુજરાતથી 370 કિમી દૂર સમૂદ્રમાં હળવું દબાણ સર્જાયું છે. જો કે આ વાવાઝોડુ ઓમાન તરફ ફંટાવવાની શક્યતા છે. જો કે તંત્ર દ્વારા રાજ્યમાં માછીમારોને દરિયો ન ખેડવા તેમજ માછીમારી કરવા માટે ગયેલી બોટને પરત બોલાવવાની સૂચના આપવામાં આવી છે.
વરસાદની આગાહી વચ્ચે ગીર-પંથકમાં ભારે વરસાદ
રાજ્યમાં આગામી ત્રણ દિવસ ભારે વરસાદની આગાહી વચ્ચે સૌરાષ્ટ્રના કેટલાક જિલ્લાઓમાં વરસાદનું આગમન જોવા મળી રહ્યું છે. જેમાં ગીર-પંથકના તુલસીશ્યામમાં વહેલી સવારથી ધોધમાર વરસાદ શરૂ થતાં તુલસીશ્યામ મંદિરના અદ્દભૂત દ્રશ્યો સામે આવ્યાં છે.
વડોદરામાં મોડી રાતે ભારે વરસાદ
વડોદરામાં ભારે વરસાદના પગલે રણોલી જીઆઇડીસી અંડર પાસ ભરાયા હતા. જેમાં અંડરપાસમાં ટ્રેકટર ટ્રોલી ફસાતા ટ્રેકટર ચાલક સહિત બે લોકો ફસાય હતા. ફાયરવિભાગ દ્વારા બંને વ્યક્તિઓનું રેસ્ક્યુ કરવામાં આવ્યું.