મેઘ મહેર / રાજ્યમાં મેઘ મલ્હારમ્, જાણો ક્યાં પડ્યો કેટલો વરસાદ અને હવામાન ખાતાએ શું કરી આગાહી

• રાજ્યમાં સાર્વત્રિક મેઘમહેર યથાવત
• 24 કલાકમાં 192 તાલુકામાં સાર્વત્રિક વરસાદ
• હજી 3 દિવસ ભારે વરસાદની આગાહી 

ઉલ્લેખનીય છે કે, જેમાં સૌથી વધુ કચ્છ ઝોનમાં 132.35 ટકા વરસાદ થયો છે. જ્યારે સૌથી ઓછો ઉત્તર ગુજરાતમાં 56.41 ટકા વરસાદ થયો છે.. રાજ્યમાં ભારે વરસાદથી 195 રસ્તાઓ બંધ થઈ ગયા છે. 

સરદાર સરોવર ડેમની જળસપાટી 121.08 મીટરે પહોંચી

ડેમની વાત કરીએ તો ગુજરાતના સૌથી મોટા સરદાર સરોવર ડેમની જળસપાટી 121.08 મીટરે પહોંચી છે. જ્યારે રાજ્યના 94 ડેમ હાઈઅલર્ટ પર છે. અને 10 ડેમ અલર્ટ પર રાખવામાં આવ્યા છે. આ ઉપરાંત 74 ડેમને વોર્નિંગ આપવામાં આવી છે.

ભૂજમાં ધોધમાર વરસાદ

કચ્છમાં સતત બીજા દિવસે વરસાદ યથાવત છે. ભૂજમાં ધોધમાર વરસાદ પડી રહ્યો છે. જેના કારણે જુના બસ સ્ટેશન વિસ્તારમાં પાણી ભરાઇ ગયા છે. વરસાદી પાણી ભરાઇ જતા લોકોને મુશ્કેલી પડી રહી છે.

મિંઢોળા નદી ગાંડીતૂર 

સુરત જિલ્લાની મિંઢોળા નદી ગાંડીતૂર થઈ ગઈ છે. ઉપરવાસમાં થઈ રહેલા સતત વરસાદના કારણે નદીઓમાં પૂર આવ્યું છે. બારડોલીના નદી કિનારે આવેલા ઘરોમાં પણ નદીના પાણી ફરી વળ્યા છે. તલાવડી, ભૂંડફળિયાના ઘરોમાં પાણી ભરાયા છે. તો અસગ્રસ્ત પરિવારજનોએ ઘરમાંથી સામાન ખસેડવાની કામગીરી હાથ ધરી છે.

રાજ્યમાં હજી 3 દિવસ વરસાદની આગાહી 

જ્યારે દક્ષિણ ગુજરાત અને સૌરાષ્ટ્રમાં સિઝનનો સૌથી વધારે વરસાદ વરસ્યો છે. તો રાજ્યમાં હજુ પણ 3 દિવસ વરસાદની આગાહી કરવામાં આવી છે. 

વરસાદથી 195 માર્ગો બંધ કરાયા 

રાજ્યમાં ભારે વરસાદના કારણે અનેક રસ્તાઓ બંધ થઇ ગયા છે. રાજ્યમાં ભારે વરસાદથી 195 માર્ગો બંધ થઇ ગયા છે. વરસાદના કારણે 2 રાષ્ટ્રીય ધોરી માર્ગ બંધ થયા છે. આણંદ અને કચ્છના 2 રાષ્ટ્રીય ધોરી માર્ગ બંધ થયા છે. તો 12 સ્ટેટ હાઇવે પણ બંધ કરવામાં આવ્યા છે. 

આ તરફ ભરૂચમાં 3, કચ્છ અને પોરબંદરમાં 2-2 રોડ બંધ કરવામાં આવ્યા છે. તો વડોદરા, રાજકોટ, ભાવનગર અને જૂનાગઢમાં 1-1 રસ્તો બંધ કરવામાં આવ્યો છે. જ્યારે અન્ય વિસ્તારમાં 9 રસ્તાઓ બંધ કરાયા છે. તો પંચાયત હસ્તકના 172 રસ્તાઓ બંધ કરાયા છે. જેમાં સુરતમાં 34 પંચાયત હસ્તકના રસ્તા બંધ કરાયા છે. રસ્તાઓ બંધ થતા STની ટ્રીપો પણ રદ કરવામાં આવી છે.