રાજ્યનાં મતદારો માટે રાહતનાં સમાચાર મળી રહ્યાં છે. હવામાન વિભાગે હિટવેવની આગાહી હટાવી દીધી છે. ગુજરાત પર પવનની દિશા બદલાઈ જેને લઈને આવતી કાલે ગરમીથી રાહત મળી શકે છે. આવતી કાલે 41થી 42 ડિગ્રી તાપમાન રહે તેવી હવામાન વિભાગે આગાહી કરી છે.
તમને જણાવી દઇએ કે લોકસભાની ચૂંટણીને કારણે સમગ્ર ગુજરાતમાં હાલ રાજકારણમાં ઉગ્ર ગરમાવો જોવાં મળી રહ્યો છે ને સાથે સાથે રાજ્યભરમાં ઠેર-ઠેર કાળઝાળ ગરમી જોવાં મળી રહી છે. ત્યારે હવામાન વિભાગે પણ આ અંગે આગાહી કરી છે. હવામાન વિભાગનાં મતે આવતી કાલે 41થી 42 ડિગ્રી જેટલી હિટવેવની આગાહી કરવામાં આવી છે.
ગુજરાત પર પવનની દિશા બદલાઇ હોવાંથી ગરમીથી રાહત મળી શકવાની સંભાવના છે. જો કે દરિયા કિનારાનાં વિસ્તારોમાં પણ ગરમીનું પ્રમાણ વધવાની શક્યતા છે. ઉલ્લેખનીય છે કે ગુજરાતમાં આવતી કાલે (23 એપ્રિલ)નાં રોજ લોકસભા ચૂંટણીનું મતદાન યોજાવા જઇ રહ્યું છે ત્યારે હવામાન વિભાગની આગાહી અનુસાર હિટવેવની આગાહી હટાવી દેવાઇ છે.
કેમ કે ગુજરાત પરનાં પવનની દિશા બદલાઇ હોવાંને કારણ રાજ્યમાં મતદારોને પણ મત આપવામાં ગરમીથી થોડેક અંશે રાહત મળે તેવી શક્યતા સેવાઇ રહી છે. તમને જણાવી દઇએ કે રવિવારનાં રોજ છ શહેરોમાં ગરમીનો પારો 40 ડિગ્રીને પાર કરી ગયો હતો. જ્યારે અમદાવાદમાં મહતમ તાપમાન 41 ડિગ્રી જેટલું નોંધાયું હતું.