ટેક સિટી બેંગલુરૂંમાં દિલ જીતી લે તેવી ઘટના સામે આવી છે. ટેક સિટી હવે ' હાર્ટ સ્માર્ટ સિટી' બનવા માટે તૈયાર હોય તેવું લાગી રહ્યું છે કારણ કે આ શહેરની સડકોના સિંગ્નલ લાઇટ લાલ ચાંદલાની જગ્યાએ લાલ હાર્ટના આકારમાં બદલાયેલ જોવા મળી રહી છે.
બેંગલુરૂમાં સિંગ્નલ લાઇટ હાર્ટ આકારમાં બદલાયી
હ્દય સ્વાસ્થ્ય અંગે જાગરૂતી ફેલાવવા પગલું
15થી 25 ઑક્ટોબર સુધી હાર્ટ ડિસ્પ્લે કરવામાં આવશે
કર્ણાટક: બેંગલુરૂ શહેરમાં કેટલીક ટ્રાફિક લાઇટ્સ દિલ શેપમાં બદલાઇ ગઇ છે. જેના ફોટોઝ સોશિયલ મીડિયા પર ખુબ વાયરલ થઇ રહ્યાં છે. ફોટો જોઇને સોશિયલ મીડિયાના યૂઝર્સ મૂંઝાઇ ગયાં છે કે આખરે આ લાલ બત્તીઓનો આકાર હાર્ટમાં શા માટે બદલવામાં આવ્યો છે.
— Manipal Hospitals | #TogetherStronger (@ManipalHealth) October 2, 2022
હ્દય સ્વાસ્થ્ય અંગે જાગરૂતી ફેલાવવા પગલું
સૂત્રો અનુસાર મણિપાલ હોસ્પિટલ બેંગલુરૂ મહાનગરપાલિકા અને બેંગલુરૂં ટ્રાફિક પોલિસ સાથે મળીને શહેરમાં 'હ્દય સ્વાસ્થ્ય' મુદે જાગરૂતી ફેલાવવા ટ્રાફિક સિગ્નલની લાઇટનો શેપ બદલી હાર્ટ કરવામાં આવ્યો છે. આ સાથે બેનર અને પેમ્ફલેટનો પણ ઉપયોગ કરવામાં આવી રહ્યો છે. 15થી 25 ઑક્ટોબર સુધી હાર્ટ ડિસ્પ્લે કરવા માટે 20 જંક્શનોનો ઉપયોગ કરવામાં આવશે.
મણિપાલ હોસ્પિટલે કહ્યું કે ટેક સિટીને હાર્ટ સ્માર્ટ સિટીમાં બદલવા માટે પ્રોતસાહિત કરવા બેંગલુરૂની સડકો પર અમુક ચોક્કસ ટ્રાફિક લાઇટને દિલનાં આકારમાં બદલવામાં આવી છે. ટ્વિટ પર ANI દ્વારા પણ આ ફોટોઝ શેર કરવામાં આવ્યાં છે જે વાયરલ થયાં છે.
Bengaluru | City to display heart symbol in traffic lights
Joined hands with Manipal hospitals to create awareness about heart health issues using traffic signals. Banner & pamphlets to be used as well. 20 junctions selected to display hearts b/w 15-25th: Jt CP Traffic, R Gowda pic.twitter.com/4JC17WcE0w
હોસ્પિટલ સંબંધી વિવિધ સુવિધાઓ પણ ઉપલબ્ધ
અહીં દિલ આકારનાં સિગ્નલ સિવાય પણ હ્દય સ્વાસ્થ્યની જાગરૂતી ફેલાવતા ઓડિયો મેસેજ અને કોલ કરવાની જગ્યાએ QR કોડ સ્કેન કરી ઇમરજન્સી સેવાનો ઉપયોગ કરવા જેવી સર્વિસ પણ શામેલ છે. 29 સપ્ટેમ્બરનાં દરવર્ષે 'વર્લ્ડ હાર્ટ ડે' પણ આ જ ઉદેશ્યથી ઊજવવામાં આવે છે.