અમદાવાદ / 'GPCB શું કરી રહ્યું છે, એક્શન ટેકન રિપોર્ટ ફાઈલ કરો': નદીઓમાં પ્રદૂષણ પર ગુજરાત હાઈકોર્ટ લાલચોળ

• નદીઓમાં પ્રદૂષણ અંગેની જાહેર હિતની અરજી પર સુનાવણી
• હાઈકોર્ટે GPCBની નિષ્ક્રીયતાને લઈ કાઢી ઝાટકણી
• એક્શન ટેકન રિપોર્ટ ફાઈલ કરો: HC

રાજ્યની નદીઓમાં પ્રદૂષણ અંગેની જાહેર હિતની અરજી પર હાઈકોર્ટમાં સુનાવણી હાથ ધરાઈ હતી. ગુજરાત હાઈકોર્ટે GPCBની નિષ્ક્રિયતાને લઈ ઝાટકણી કાઢી છે. નદીઓમાં પ્રદૂષણની ઘણી PIL પેન્ડિંગ હોવાનું પણ કોર્ટે નોંધ્યુ છે.

નદીઓમાં પ્રદૂષણ અંગેની જાહેર હિતની અરજી પર સુનાવણી, ગુજરાત હાઈકોર્ટે GPCBની નિષ્ક્રીયતાને લઈ કાઢી ઝાટકણી, કહ્યું એક્શન ટેકન રિપોર્ટ ફાઈલ કરો, નદીઓમાં પ્રદૂષણની ઘણી PIL પેન્ડિંગ હોવાની પણ લીધી નોંધ#GPCB #Highcourt #VtvGujarati pic.twitter.com/Zb4n1uqbUd

— VTV Gujarati News and Beyond (@VtvGujarati) March 21, 2023

GPCB શું કરી રહ્યું છે?:એક્ટિંગ ચીફ જસ્ટિસ
એક્ટિંગ ચીફ જસ્ટિસ જણાવ્યું કે, રાજ્યની નદીમાં પ્રદૂષણ અંગે ચિંતા વ્યક્ત કરતી PIL દાખલ થઈ રહીં છે, GPCB શું કરી રહ્યું છે?. GPCBને એક્શન ટેકન રિપોર્ટ ફાઈલ કરવા હાઈકોર્ટે આદેશ આપ્યો છે. આગામી દિવસોમાં વધુ સુનાવણી હાથ ધરવામાં આવશે.

ગત મહિને CPCBના રિપોર્ટમાં ચોંકાવનારો ઘટસ્પોટ થયો હતો
સેન્ટ્રલ પોલ્યુશન કંટ્રોલ બોર્ડ (CPCB)ના ગત મહિનાના રિપોર્ટમાં ઉલ્લેખ થયેલા છે કે, સાબરમતીનું પાણી પીવાલાયક નથી રહ્યું. સાબરમતી નદીની સફાઈ માટે કરોડો રૂપિયાનો ખર્ચ થાય છે. તેમ છતાં પણ સાબરમતી નદીની આ દશા થઇ છે. ત્યારે સવાલ થાય કે ક્યાં ગયા સાબરમતી શુદ્ધિકરણના વચનો?

પ્રદૂષણ મામલે અગાઉ પણ હાઈકોર્ટે તંત્રની ઝાટકણી કાઢી હતી  
અમદાવાદની મધ્યમાથી નીકળતી સાબરમતી નદીમાં ભયંકર પ્રદૂષણ ફેલાયું હોવાની રાવ ઉઠી રહી હતી જે મામલે હાઈકોર્ટે ગંભીર નોંધ લીધી હતી. નદીમાં પ્રદૂષણ મામલે અગાઉ હાઈકોર્ટમાં સુનવણી હાથ ધરવામાં આવી હતી. જેમાં GPCBને કન્સર્ન ઓથોરિટીઓ સાથે બેઠક કરવા આદેશ કરાયો હતો. વધુમાં AMC, કોર્ટ મિત્ર, ટાસ્ક ફોર્સ સહિતના સાથે આગામી સપ્તાહ સુધી બેઠક કરવા હાઈકોર્ટ દ્વારા આદેશ કરાયો હતો. અમદાવાદની સાબરમતી નદીના પ્રદૂષણ મામલે હાઈકોર્ટે તંત્રની ઝાટકણી કાઢી હતી. આટલું પ્રદૂષણ અને દુષિત પાણી નહીં ચલાવી લેવાય તે અંગે સરકારે યોગ્ય કાર્યવાહી કરવી જોઈએ તેવી ટકોર પણ કરી હતી.