ઉત્તર પ્રદેશના હાથરસમાં દલિત યુવતી પર ગેંગરેપ અને ત્યાર બાદ થયેલ તેના મોતથી સમગ્ર દેશમાં આક્રોશ છે. પોલીસે ચારે આરોપીઓની ધરપકડ કરી છે, પરંતુ ગેંગરેપને ખોટો ગણાવ્યો છે.
આવામાં હવે દેશમાં આક્રોશ ફાટી નીકળ્યો છે કે હાથરસ કાંડના ગુનેગારોને કડક સજાની માંગ કરવામાં આવી રહી છે. પરંતુ આ દરમિયાન સ્થાનિક વહીવટી તંત્ર દ્વારા અનેક પ્રકારની કડક કાર્યવાહી કરવામાં આવી રહી છે. ગામમાં મીડિયા પ્રવેશ પર પ્રતિબંધ કરી દેવામાં આવ્યો છે, કોઈ નેતાને જવાની મંજૂરી નથી, જ્યારે DM પોતે પીડિતાના પરિવારને ધમકી આપી રહ્યાં છે તેવો વીડિયો પણ વાયરલ થયો છે.
ગઈ કાલે રાહુલ ગાંધી, પ્રિયંકા ગાંધીને હાથરસ જવાથી રોકી દેવામાં આવ્યાં હતાં. આ દરમ્યાન પોલીસ સાથે ઘર્ષણ સમયે રાહુલ ગાંધી નીચે પડી ગયા હતાં. હવે આજે શુક્રવારે TMCના સાંસદ ડેરેક ઓ બ્રાયનને રોકીને તેમની સાથે દુર્વ્યવહાર કરવામાં આવ્યો હતો. જેમાં પણ તેઓ જમીન નીચે પટકાયા હતા. એટલું જ નહીં, હવે પીડિતાના ગામમાં મીડિયા પ્રવેશ પર પણ પ્રતિબંધ મૂકી દેવામાં આવ્યો છે.
#WATCH: TMC delegation being roughed up by Uttar Pradesh Police at #Hathras border. The delegation, including Derek O'Brien, was on the way to meet the family of the victim of Hathras incident. pic.twitter.com/94QcSMiB2k
હાથરસ પ્રશાસન શું છુપાવવા માંગે છે તેવાં પ્રશ્નો ઉભા થઈ રહ્યા છે!
જ્યારે હવે આ પ્રકારની કાર્યવાહી સામે આવી રહી છે ત્યારે વહીવટી તંત્રના વલણ અને હેતુ પર પ્રશ્નો ઉભા થાય છે. કારણ કે તંત્ર સત્ય બહાર લાવવાનું ટાળવા માંગે છે, તેથી જ કોઈના પણ પ્રવેશ પર પ્રતિબંધ લગાવી દેવાયો છે. આખરે એવું તો શું સામે આવ્યું છે કે જેનાથી પ્રશાસનના આ વલણને લઈને પ્રશ્નો ઊભાં થઈ રહ્યાં છે.
1. હાથરસના DM પ્રવીણ કુમારનો સોશ્યલ મીડિયામાં અને સમાચારોમાં એક વીડિયો સામે આવ્યો જેમાં તે પીડિત પરિવાર સાથે વાત કરી રહ્યાં છે. અહીં DM પરિવારને જણાવી રહ્યા છે કે મીડિયા આજે છે, કાલે જશે. જો તમે અમારી સાથે રહેવા માંગતા હો, તો સહાય સ્વીકારો. ડીએમ સ્પષ્ટપણે પરિવારને ધમકી આપીને કેસ દબાવવાનો પ્રયાસ કરી રહ્યા છે તેવો આક્ષેપ છે.
2. હાથરસના ADM જેપી સિંઘ અને વકીલ સીમા કુશવાહાનો એક વીડિયો સામે આવ્યો છે. જેમાં સીમા કુશવાહા પીડિત પરિવારની મુલાકાત લેવાનો પ્રયાસ કરી રહી છે, પરંતુ તેમને આગળ જવા દેતા નથી. ઉલ્લેખનીય છે કે સીમા કુશવાહાએ દિલ્હીની નિર્ભયાનો કેસ લડ્યો હતો અને તેણે નિર્ભયાના હાથરસના પરિવારને મદદ કરવાની વાત કરી હતી.
3. મંગળવારે રાત્રે, જ્યારે પીડિતાનો મૃતદેહ હાથરસ ગામે પહોંચ્યો હતો, ત્યારે તે અડધી રાતે સળગાવી દેવાયો હતો. આ સમય દરમિયાન પત્રકારોએ ત્યાં પોલીસને સવાલ પૂછ્યો હતો પરંતુ કોઈએ સરખો જવાબ આપ્યો ન હતો.
4. હાથરસ જિલ્લાની સીમાઓ સીલ કરી દેવામાં આવી છે, કલમ 144 લગાવી દેવામાં આવી છે. આ સિવાય વહીવટી તંત્રે મીડિયાને ગામની અંદર જતા અટકાવ્યું છે. શુક્રવારે કેટલાક અધિકારીઓએ હાથરસના પીડિત ગામમાં ગ્રાઉન્ડ રિપોર્ટિંગ કરતા પત્રકારો સાથે દુર્વ્યવહારના પણ અહેવાલ સામે આવી રહ્યાં છે.
5. મીડિયા સિવાય વિપક્ષી નેતાઓને પણ જિલ્લામાં જવાની મંજૂરી નથી. ગુરુવારે રાહુલ ગાંધી અને પ્રિયંકા ગાંધીને નોઈડામાં રોકવામાં આવ્યા હતા, શુક્રવારે ટીએમસી અને સપાના સાંસદો જિલ્લાની સરહદ પર પહોંચ્યા હતા અને તેમને પણ આગળ જવા દેવાયા ન હતા.
રાજ્ય અને પોલીસ વિભાગના નિવેદન અલગ અલગ
સ્પષ્ટ છે કે આ મામલે પ્રશાસને જે રીતે પ્રતિક્રિયા આપી રહ્યું છે, તેનાથી અનેક પ્રકારના સવાલો ઉભા થઈ રહ્યા છે. એક તરફ રાજ્ય સરકાર SIT બનાવીને સાત દિવસમાં કેસની તપાસની ખાતરી આપે છે, તો બીજી તરફ યુપી પોલીસ નિવેદન આપે છે કે પીડિતા પર દુષ્કર્મ થયું ન હતું. આ સિવાય ફોરેન્સિક રિપોર્ટમાં એવો પણ દાવો કરવામાં આવ્યો છે કે પીડિતાનું જાતીય શોષણ કરવામાં આવ્યું ન હતું, ફક્ત હાર્ટ એટેકને કારણે મોત થયું હતું.
આવી સ્થિતિમાં પોલીસ અને વહીવટીતંત્રના વલણ અંગે અનેક સવાલો ઉભા થઈ રહ્યા છે અને સત્યને દૂર રાખવામાં આવી રહ્યું છે તેવા આક્ષેપો થઈ રહ્યાં છે. આ મામલે કંઇક છુપાઇ રહ્યું હોવાના આક્ષેપો કરવામાં આવી રહ્યા છે.